ഒന്നാമന്മാരായി ബ്രസീൽ രണ്ടാം റൗണ്ടിൽ

മയാമി: ലോകകപ്പിലെ മൂന്നാം മത്സരത്തിൽ സ്കോട്ട്‌ലാൻഡിനെ 3- 0ത്തിന് തോൽപ്പിച്ച് സി ഗ്രൂപ്പിലെ ഒന്നാമന്മാരായി ബ്രസീൽ രണ്ടാം റൗണ്ടിലെത്തി. വിനീഷ്യസ് ജൂനിയറിന്റെ ഇരട്ട ഗോളുകളും മാത്യൂസ് കുഞ്ഞ്യയുടെ ഒരു ഗോളുമാണ് കാനറികൾക്ക് ജയമൊരുക്കിയത്. ഹെയ്തിയെ 4- 2ന് തോൽപ്പിച്ച മൊറോക്കോയും സി ഗ്രൂപ്പിൽ നിന്ന് നോക്കൗട്ടിലെത്തി.

ഇന്നലെ ചെക്ക് റിപ്പബ്ളിക്കിനെ 3- 0ത്തിന് തോൽപ്പിച്ച മെക്സിക്കോ, 9 പോയിന്റുമായി ഗ്രൂപ്പ് എ ചാമ്പ്യന്മാരായി. ദക്ഷിണ കൊറിയയെ അവസാനമത്സരത്തിൽ 1- 0ത്തിന് അട്ടിമറിച്ച ദക്ഷിണാഫ്രിക്ക ചരിത്രത്തിലാദ്യമായി ഗ്രൂപ്പ് റൗണ്ടിൽ നിന്ന് മുന്നേറി. മലയാളി താരം തഹ്‌സീന് അവസരം നൽകാതിരുന്ന ഖത്തറിനെ അവസാന മത്സരത്തിൽ 3-1ന് തോൽപ്പിച്ച് ബോസ്നിയ ബി ഗ്രൂപ്പിലെ മികച്ച മൂന്നാം സ്ഥാനക്കാരായി നോക്കൗട്ടിലെത്തി. സ്വിറ്റ്സർലാൻഡും കാനഡയുമാണ് ബി ഗ്രൂപ്പിലെ ഒന്നും രണ്ടും സ്ഥാനക്കാർ.

ഇതുവരെ നോക്കൗട്ടിൽ

എത്തിയ ടീമുകൾ

മെക്സിക്കോ, ദക്ഷിണാഫ്രിക്ക, സ്വിറ്റ്സർലാൻഡ്, കാനഡ, ബോസ്നിയ, ബ്രസീൽ, മൊറോക്കോ, അമേരിക്ക, ജർമ്മനി, ഫ്രാൻസ്, നോർവേ, അർജന്റീന, കൊളംബിയ.

ഇന്ന് ഫ്രാൻസ് Vs നോർവേ

ഗ്രൂപ്പ് ഐയിലെ അവസാന മത്സരത്തിൽ ഇന്ന് എംബാപ്പെയുടെ ഫ്രാൻസ്, ഹാലാൻഡിന്റെ നോർവേയെ നേരിടുന്നു. ഇന്ത്യൻ സമയം രാത്രി 12.30നാണ് മത്സരം.