പുതുതായി നിർമിച്ച റോഡിൽ പത്രം വിരിച്ചിരുന്ന് ആഹാരം കഴിക്കുന്ന കുടുംബം; വീഡിയോയ്ക്ക് പിന്നാലെ വിമർശനം

ജയ്‌പൂർ: പുതിയതായി ഉദ്ഘാടനം ചെയ്ത എക്‌സ്‌പ്രസ്‌വേ പിക്‌നിക്ക് ‌സ്‌പോട്ടാക്കി മാറ്റിയ കുടുംബത്തിനുനേരെ വിമർശനം ശക്തം. കുടുംബം റോഡിലിരുന്ന് ഭക്ഷണം കഴിക്കുന്നതിന്റെ വീഡിയോ പുറത്തുവന്നതിന് പിന്നാലെയാണ് വിമർശനമുയ‌ർന്നത്. 'ശിവ് മഹേശ്വരി' എന്ന ഇൻസ്റ്റാഗ്രാം ഉപഭോക്താവ് പങ്കുവച്ച വീഡിയോയാണ് ചർച്ചയാവുന്നത്.

പത്രങ്ങളും ടാർപോളിനും റോഡിൽ വിരിച്ചിട്ട് അതിലിരുന്ന് ആളുകൾ ഭക്ഷണം കഴിക്കുന്നതാണ് വീഡിയോയിലുള്ളത്. പ്ളേറ്റുകളിൽ ഭക്ഷണം വിളമ്പുന്നതും കാണാം. വീഡിയോ വൈറലായതിന് പിന്നാലെ പൊതുസ്ഥലങ്ങളെ സ്വകാര്യ പിക്നിക് സ്‌പോട്ടുകളാക്കി മാറ്റിയതിനെതിരെ സമൂഹമാദ്ധ്യമ ഉപഭോക്താക്കൾ രംഗത്തെത്തുകയായിരുന്നു. അടിസ്ഥാന പൗരബോധത്തെയും പൊതു സ്വത്തിനെയും അവഗണിക്കുന്ന പെരുമാറ്റത്തിൽ ആളുകൾ അഭിമാനിക്കുന്നതിന്റെ ഉദാഹരണമാണിതെന്ന് പലരും വിമർശിച്ചു. പൊതു ഇടങ്ങളിൽ മാലിന്യം തള്ളുന്നത് സംബന്ധിച്ചും ചിലർ ആശങ്കകൾ ഉന്നയിച്ചു.

An Indian family proudly having lunch on a newly inaugurated expressway,
as if trespassing onto public infrastructure and turning it into a picnic spot is some achievement.

What’s even more disturbing is the sense of pride they seem to take in such blatant disregard for basic… pic.twitter.com/8NQY5WZW0H

— Ritik (@ThenNowForeve) August 29, 2026