യുവതി പെരിയാറിൽ ചാടി മരിച്ച സംഭവം: ഭർത്താവ് അറസ്റ്റിൽ

ആലുവ: കുടുംബ വഴക്കിനെ തുടർന്ന് യുവതി പെരിയാറിൽ ചാടി ആത്മഹത്യ ചെയ്ത കേസിൽ ഭർത്താവ് കരുമാല്ലൂർ ഗവ. ആശുപത്രിക്ക് സമീപം വലിയപറമ്പിൽ വീട്ടിൽ ആഷിക്ക് അൻവറിനെ ആലുവ പൊലീസ് അറസ്റ്റ് ചെയ്തു. ഇയാളെ ആലുവ കോടതി റിമാൻഡ് ചെയ്തു. ആത്മഹത്യാ പ്രേരണ, ഗാർഹിക - സ്ത്രീധന പീഡനം എന്നീ വകുപ്പുകൾ ചുമത്തിയാണ് കേസ്.

ആലുവ ഡിവൈ.എസ്.പി ബാബുക്കുട്ടന്റെ നേതൃത്വത്തിലാണ് കേസന്വേഷണം. ശനിയാഴ്ച്ച ഉച്ചയോടെയാണ് ആഷിക്കിന്റെ ഭാര്യ തൻസില (27) ആലുവ മണപ്പുറം നടപ്പാലത്തിൽ നിന്ന് പെരിയാറിൽ ചാടി ജീവനൊടുക്കിയത്.