കുരുമുളക് വള്ളി വിതരണം ചെയ്‌തു

കുറ്റ്യാടി: വടകര സഹകരണ കാർഷിക ഗ്രാമവികസന ബാങ്കിൻ്റെ സഹകരണത്തോടെ വേദിക കാർഷിക ക്ലബ് നരിക്കൂട്ടുംചാൽ പ്രദേശത്തെ നൂറിലധികം കുടുംബങ്ങൾക്ക് കുരുമുളക് വള്ളികൾ വിതരണം ചെയ്തു. കാർഷിക ഗ്രാമവികസന ബാങ്ക് പ്രസിഡൻ്റ് വി.എം. ചന്ദ്രൻ വിതരണോദ്ഘാടനം നിർവഹിച്ചു. കർഷകൻ കൂരാറ കുമാരൻ ആദ്യ തൈ ഏറ്റുവാങ്ങി. കാർഷിക ക്ലബ് പ്രസിഡൻറ് പി.കെ. ശശിധരൻ അദ്ധ്യക്ഷനായി. കുറ്റ്യാടി കൃഷി ഓഫീസർ ഡാലി ജോർജ് ക്ലാസെടുത്തു. മികച്ച മട്ടുപ്പാവ് കർഷകൻ മൊയ്തീൻകുട്ടിയെ ആദരിച്ചു. പി.ടി. പ്രദീഷ്, കെ.കെ. സന്തോഷ്, പി.പി. വിജയൻ, കെ.പി. ചന്ദ്രൻ, സി.കെ. രാധ, കെ.പി. ശോഭ, രജനി കിഴക്കേക്കര പ്രസംഗിച്ചു.