യുവി ഇൻഡക്സ്‌ ഒൻപതിൽ

പത്തനംതിട്ട : എൽനിനോ പ്രഭാവത്തിൽ മഴ മാറിയതോടെ ജില്ലയിൽ പകൽചൂട്‌ കൂടുന്നു. ഇന്നലെ അൾട്രാവയലറ്റ്‌ ഇൻഡക്സ്‌ ഓറഞ്ച്‌ അലർട്ടായ ഒൻപതിലെത്തി.
തിരുവോണ ദിവസം വരെ ജില്ലയിൽ ശക്തമായ മഴ പെയ്തിരുന്നു. പിന്നീട്‌ മഴയുടെ അളവ്‌ കുറയുകയും വെയിലിന്റെ ശക്തി കൂടുകയും ചെയ്തു. ഈ മാസം സംസ്ഥാനത്താകെ മഴ കുറഞ്ഞ്‌ താപനില വർദ്ധിക്കുമെന്നാണ്‌ കേന്ദ്രകാലാവസ്ഥ വകുപ്പിന്റെ പ്രവചനം. പകലും രാത്രിയും താപനില കൂടാനാണ് സാദ്ധ്യത.
ഒക്‌ടോബറിലെ തുലാമഴയാണ്‌ ജില്ലയ്ക്ക്‌ ആകെ പ്രതീക്ഷ. എൽനിനോ കാലവർഷത്തെ ദുർബലമാക്കിയെങ്കിലും ആഗസ്തിൽ പെയ്തത്‌ ശക്തമായ മഴയാണ്‌.