കടഉടമയെ മർദിച്ച മൂന്നംഗ സംഘത്തിനെതിരെ കേസ്

മട്ടാഞ്ചേരി: കടഒഴിയണമെന്നാവശ്യപ്പെട്ട് കടഉടമയെ സംഘംചേർന്ന് മർദ്ദി​ച്ച സംഭവത്തിൽ മൂന്നുപേർക്കെതിരെ തോപ്പുംപടി പൊലീസ് കേസെടുത്തു. കഴുത്തുമുട്ടിൽ ഓറഞ്ച് കംപ്യൂട്ടേഴ്സ് നടത്തുന്ന കൊച്ചങ്ങാടി പുത്തൻപുരക്കൽ വീട്ടിൽ പി.എ. മനാഫിനാണ് (46) മർദ്ദനമേറ്റത്. ബുധനാഴ്ച രാത്രി 9 മണിയോടെ സ്ഥാപനത്തിലെത്തിയ മൂന്നംഗസംഘം മനാഫിനെ ആക്രമിക്കുകയായിരുന്നുവെന്ന് പരാതിയിൽ പറയുന്നു.

പ്രതികൾ കടയിലെ കമ്പ്യൂട്ടർ, ലാപ്ടോപ്പ് എന്നിവ നശിപ്പിക്കുകയും മുൻവശത്തെ ചില്ലുകൾ തകർക്കുകയും ചെയ്തു. പരിക്കേറ്റ മനാഫ് പനയപ്പിള്ളിയിലെ സ്വകാര്യ ആശുപത്രിയിൽ ചികിത്സയിലാണ്. പൊലീസ് അന്വേഷണം ഊർജ്ജിതമാക്കി.