സ്വപ്നസുരേഷിന്റെ വ്യാജ സർട്ടിഫിക്കറ്റ്: അന്വേഷണ സംഘത്തിലെ ഒരാൾക്ക് കൊവിഡ്

തിരുവനന്തപുരം: സ്വർണക്കടത്തുകേസിലെ പ്രധാന പ്രതികളിലൊരാളായ സ്വപ്ന സുരേഷിന്റെ പേരിലുളള വ്യാജ സർട്ടിഫിക്കറ്റ് കേസ് അന്വേഷിക്കുന്ന സംഘത്തിലെ ഒരാൾക്ക് കൊവിഡ് സ്ഥിരീകരിച്ചു. ഇയാളുമായി അടുത്ത് സമ്പർക്കം പുലർത്തിയ സി ഐ ഉൾപ്പെടെയുളള മൂന്നുപേർ നിരീക്ഷണത്തിലാണ്. ഇവരുടെ സ്രവം ഉടൻ പരിശോധനയ്ക്ക് അയയ്ക്കും. സംഘത്തിലെ ഒരാൾ രോഗബാധിതനായത് അന്വേഷണത്തെ ഒരുതരത്തിലും ബാധിക്കില്ലെന്നാണ് അന്വേഷണ സംഘം നൽകുന്ന സൂചന.

അതേസമയം, ഇന്നും സംസ്ഥാനത്ത് നിരവധിപേർക്ക് കൊവിഡ് സ്ഥിരീകരിച്ചിട്ടുണ്ട്. ഇന്നലെമാത്രം സംസ്ഥാനത്ത് 1167​ ​പേ​ർ​ക്കാ​ണ് ​രോ​ഗം​ ​സ്ഥി​രീ​ക​രി​ച്ച​ത്.​ ഇതിൽ 888​ ​പേ​ർ​ക്ക് ​സ​മ്പ​ർ​ക്ക​ത്തി​ലൂ​ടെ​യാ​ണ് ​രോഗബാധയുണ്ടായത്. തലസ്ഥാനത്ത് സ്ഥിതി അതീവ ഗുരുതരമായി തുടരുകയാണ്. കൂടുതൽ ആരോഗ്യപ്രവർത്തകർക്ക് രോഗം സ്ഥിരീകരിക്കുന്നത് കടുത്ത ആശങ്ക ഉയർത്തുന്നുണ്ട്. ഇന്ന് രണ്ട് ഡോക്ർമാർക്കുകൂടി കൊവിഡ് സ്ഥിരീകരിച്ചിട്ട‌ുണ്ട്. കൊവിഡ് ചികിത്സകരല്ലാത്ത ഡോക്ടർമാർക്ക് രോംഗം സ്ഥിരീകരിക്കുന്നതാണ് കൂടുതൽ ആശങ്കയ്ക്കിടയാക്കുന്നത്.