SignIn
Kerala Kaumudi Online
Wednesday, 06 July 2022 6.02 AM IST

പോസ്റ്ററുകൾ കാൻവാസിലാക്കി ആതിര ഇന്ത്യ ബുക്ക് ഒഫ് റെക്കാഡ്സിൽ

athira
ആതിര

പട്ടാമ്പി: സാധാരണ ചിത്രരചനയിൽ നിന്നും കുറച്ച് വ്യത്യസ്തമാണ് പട്ടാമ്പി പെരുമുടിയൂർ സ്വദേശിനിയായ ആതിരയുടേത്. ഒറിജിനലിനെ വെല്ലുന്ന രീതിയിൽ സിനിമാപോസ്റ്ററുകൾ വരച്ചെടുത്താണ് ഈ ചിത്രകാരി ശ്രദ്ധേയയാകുന്നത്.

മോഹൻലാലിന്റെ ലൂസിഫർ, രജനീകാന്തിന്റെ യന്തിരൻ, ടൊവിനോയുടെ കള, ഫഹദ് ഫാസിലിന്റെ മാലിക്, ദുൽഖറിന്റെ കുറുപ്പ് തുടങ്ങി മലയാളം, തമിഴ്, ഹിന്ദി ഭാഷകളിലെ അറുപതിലധികം സിനിമകളുടെ പോസ്റ്ററുകൾ നടൻമാരുടെ മുഖമടക്കം വരച്ചെടുക്കും ആതിര. ചുരുങ്ങിയ സമയത്തിനുള്ളിൽ കൂടുതൽ സിനിമാ പോസ്റ്ററുകൾ വരച്ചതിന് ഇന്ത്യ ബുക്ക് ഒഫ് റെക്കാഡ്സിലും ആതിര ഇടം നേടിയിട്ടുണ്ട്.

വാട്ടർ കളർ, ഫാബ്രിക് പെയിന്റുകൾ, പെൻസിൽ എന്നിവ ഉപയോഗിച്ചാണ് സിനിമാ പോസ്റ്ററുകൾ വരച്ചെടുക്കുന്നത്. പെരുമുടിയൂർ ദുർഗാനഗർ മഠത്തിൽത്തൊടി വീട്ടിൽ വിനോദിന്റെയും സിന്ധുവിന്റെയും മൂത്തമകളായ ആതിരയ്ക്ക് ചെറുപ്പം മുതൽ വരയോട് കമ്പമുണ്ട്. കഴിഞ്ഞ ലോക്ഡൗൺ സമയത്താണ് ചിത്രരചനയിലേക്ക് കൂടുതൽ ശ്രദ്ധ പതിപ്പിച്ചത്.

സ്വന്തം വീട്ടുചുമർ തന്നെ കാൻവാസാക്കി മാറ്റി. ശാസ്ത്രീയമായി അഭ്യസിക്കാതെ തന്നെ വീട്ടിനുള്ളിൽ ആകർഷകമായ ചുമർച്ചിത്രങ്ങൾ വരച്ചു. 15 ദിവസമെടുത്താണ് വീടിന്റെ വലിയ ചുമരിൽ ചുമർച്ചിത്രം ഒരുക്കിയത്.

  • ലോക്ക് ഡൗണിൽ പൂർത്തിയാക്കിയത് 400 ഓളം ചിത്രങ്ങൾ

എൽ.കെ.ജി. മുതൽ ചിത്രംവരയിൽ താത്പര്യം പ്രകടിപ്പിച്ചുതുടങ്ങിയ ആതിര അടച്ചുപൂട്ടലിൽ കൂടുതൽ ഒഴിവുസമയം ലഭിച്ചതോടെ സജീവമായി. ഇതിനോടകം 400ഓളം ചിത്രങ്ങൾ വരച്ചു കഴിഞ്ഞിട്ടുണ്ട്. ചിലത് പണിപ്പുരയിലുമാണ്. ചിത്രരചനയ്ക്ക് പുറമേ ബോട്ടിൽ ആർട്ടും തെർമോക്കോൾ ഫ്രെയിം നിർമാണവും ആതിര ചെയ്യും. കൂട്ടുകാരുടെ പോർട്രെയിറ്റുകൾ വരച്ച് സമ്മാനിക്കുന്നതും ഹോബിയാണ്. സിവിൽ എൻജിനിയറിംഗിൽ ബി.ടെക് കഴിഞ്ഞ് തുടർപഠനത്തിനുള്ള ഒരുക്കത്തിലാണ് ആതിര. പഠനത്തോടൊപ്പം ചിത്രരചനയും കൂടെക്കൂട്ടണമെന്നാണ് ആഗ്രഹം. മാതാപിതാക്കൾക്കൊപ്പം സഹോദരൻ അരുണും മുത്തശ്ശി മാലതി അമ്മയും പ്രോത്സാഹനമായി കൂടെയുണ്ട്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: LOCAL NEWS, PALAKKAD
KERALA KAUMUDI EPAPER
TRENDING IN LOCAL
VIDEOS
PHOTO GALLERY
TRENDING IN LOCAL
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.