മുപ്പതിനായിരത്തോളം നാഗവിഗ്രഹങ്ങളുള്ള പുണ്യഭൂമി,​ മണ്ണാറശാല ആയില്യം നവംബർ 2ന്

നാ​ഗ​രാ​ജാ​വി​ന്റെ​ ​അ​നു​ഗ്ര​ഹം​ ​തേ​ടി​ ​മ​ണ്ണാ​റ​ശാ​ല​ ​നാ​ഗ​രാ​ജ​ക്ഷേ​ത്ര​ത്തി​ലേ​ക്ക് ​ഭ​ക്ത​ജ​ന​പ്ര​വാ​ഹം.​ നവംബർ രണ്ടിനാണ് പ്രസിദ്ധമായ മണ്ണാറശാല ആയില്യം. ​നാളെ ​പു​ണ​ർ​തം​ ​നാ​ളി​ൽ​ ​വൈ​കി​ട്ട് 6​നാ​ണ് ​മ​ഹാ​ദീ​പ​ക്കാ​ഴ്ച ഒരുക്കും.​ ​ഭ​ക്ത​ജ​ന​ങ്ങ​ളും​ ​ക്ഷേ​ത്രം​ ​കാ​ര്യ​ക്കാ​രും​ ​ചേ​ർ​ന്നാ​ണ് ​പ​തി​നാ​യി​ര​ക്ക​ണ​ക്കി​ന് ​വി​ള​ക്കു​ക​ൾ​ ​തെ​ളി​ക്കു​ക.​ ​ഞായറാഴ്ച ​പൂ​യം​ ​തൊ​ഴ​ലും​ ​തി​ങ്ക​ളാ​ഴ്ച​ ​ആ​യി​ല്യം​ ​ദ​ർ​ശ​ന​വും​ ​ന​ട​ക്കും.

പൂ​യം​ ​നാ​ളി​ൽ​ ​രാ​വും​ ​പ​ക​ലും​ ​ക്ഷേ​ത്രം​ ​ഭ​ക്ത​ജ​ന​ങ്ങ​ളെ​ക്കൊ​ണ്ട് ​നി​റ​യും.​ ​നാ​ഗ​രാ​ജാ​വി​നും​ ​സ​ർ​പ്പ​യ​ക്ഷി​യ​മ്മ​യ്ക്കും​ ​തി​രു​വാ​ഭ​ര​ണം​ ​ചാ​ർ​ത്തി​ ​ച​തുഃ​ശ്ശ​ത​ ​നി​വേ​ദ്യ​ത്തോ​ടെ​ ​വ​ലി​യ​മ്മ​ ​സാ​വി​ത്രി​ ​അ​ന്ത​ർ​ജ​ന​ത്തി​ന്റെ​ ​കാ​ർ​മ്മി​ക​ത്വ​ത്തി​ൽ​ ​പൂ​യം​ ​നാ​ളി​ലെ​ ​ഉ​ച്ച​പൂ​ജ​ ​ദ​ർ​ശ​നം​ ​പ്ര​ധാ​ന​മാ​ണ്.​ ​പ​ക​ൽ​ 11​മു​ത​ൽ​ ​പൂ​യം​സ​ദ്യ​ ​ആ​രം​ഭി​ക്കും.​ ​ആ​യി​ല്യം​ ​നാ​ളി​ൽ​ ​ഉ​ച്ച​യ്ക്ക് ​ഒ​ന്നി​നാ​ണ് ​പ്ര​സി​ദ്ധ​മാ​യ​ ​ആ​യി​ല്യം​ ​എ​ഴു​ന്ന​ള്ള​ത്ത്.​ ​

ആലപ്പുഴ ജില്ലയിലെ ഹരിപ്പാടിനടുത്ത് ഏകദേശം ഒൻപത് ഏക്കറിലേറെ വരുന്ന കാവിനകത്താണ് മണ്ണാറശാലയിലെ ശ്രീനാഗരാജ ക്ഷേത്രം. കാവിനകത്തെ വഴികളിലും മരങ്ങളുടെ ചുവട്ടിലും 30000ത്തോളം നാഗവിഗ്രഹങ്ങളുണ്ട്. മണ്ണാറശാല ഇല്ലത്തെ ഏറ്റവും മുതിർന്ന അന്തർജനമാണ് ക്ഷേത്രത്തിലെ പ്രധാന പൂജകൾ ചെയ്യുന്നത്. വലിയമ്മ എന്ന പേരിലാണ് ഇവർ അറിയപ്പെടുന്നത്. നാഗരാജാവായ വാസുകിയും രാജ്ഞിയായ സർപ്പയക്ഷിയുമാണ് മുഖ്യപ്രതിഷ്ഠ. ക്ഷേത്രത്തോട് ചേർന്നുള്ള ഇല്ലത്തിന്റെ നിലവറയിൽ അനന്തൻ ( ആദിശേഷൻ)​ കുടികൊള്ളുന്നു എന്നാണ് വിശ്വാസം. ആയില്യം നാളിൽ വാസുകി,​ നാഗയക്ഷി,​ അനന്തൻ എന്നിവ കൂടാതെ ക്ഷേത്രത്തിലെ എല്ലാ നാഗപ്രതിഷ്ഠകളെയും എഴുന്നെള്ളിക്കും. വലിയമ്മ നാഗരാജാവിന്റെ വിഗ്രഹവുമായി മുന്നിൽ എഴുന്നെള്ളും.

ക്ഷേത്രത്തിലെ ഉരുളി കമഴ്ത്തൽ വഴിപാട് പ്രസിദ്ധമാണ്. ഈ വഴിപാട് നടത്തി പ്രാർത്ഥിച്ചാൽ ദമ്പതിമാർക്ക് സന്താനഭാഗ്യം ഉണ്ടാകും എന്നാണ് വിശ്വാസം. തുലാമാസത്തിലെ ആയില്യത്തിനാണ് മണ്ണാറശാലയിൽ പ്രാധാന്യം,​ ഒരിക്കൽ തിരുവിതാംകൂർ മഹാരാജാവിന് ചില അസൗകര്യങ്ങൾ കാരണം കന്നിമാസത്തിലെ ആയില്യത്തിന് മണ്ണാറശാലയിൽ എത്താൻ സാധിക്കാതെ വന്നു. തുടർന്ന് രാജാവിന്റെ അഭ്യർത്ഥന പ്രകാരം ഇവിടുത്ത ആയില്യം മഹോത്സവം തുലാത്തിലേക്ക് മാറ്റി എന്നാണ് ഐതിഹ്യം.