സംസ്ഥാനത്ത് നാളെ മുതൽ വീണ്ടും ശക്തമായ മഴ,​ ജില്ലകളിൽ മൂന്നു ദിവസം ഓറഞ്ച് അലർട്ട്

തിരുവനന്തപുരം: നാളെ മുതൽ സംസ്ഥാനത്ത് വീണ്ടും മഴ ശക്തമാകുമെന്ന് കേന്ദ്രകലാവസ്ഥാ വകുപ്പിന്റെ മുന്നറിയിപ്പ്. മൂന്നു ദിവസം കൂടി ഓറഞ്ച് അലർട്ട് തുടരും. ഇന്ന് അഞ്ച് ജില്ലകളിൽ ഓറഞ്ച് അലർട്ടാൻണ്. നാളെ 7 ജില്ലകളിലും മറ്റന്നാൾ 5 ജില്ലകളിലും ഓറഞ്ച് അലർട്ടാണ്. ആലപ്പുഴ ജില്ലയിലെ കുട്ടനാട്,​ ചെങ്ങന്നൂർ,​കാർത്തികപ്പള്ളി താലൂക്കുകളിലും കോട്ടയം,​ തിരുവല്ലം താലൂക്കുകളിലും നാളെ വിദ്യാഭ്യാസ സ്ഥാപനങ്ങൾക്ക് അവധി ആയിരിക്കും.

വയനാട്,​ കോഴിക്കോട്,​ ഇടുക്കി,​ കോട്ടയം,​ തൃശൂർ,​ ആലപ്പുഴ,​ പത്തനംതിട്ട ജില്ലകളിലെ ക്യാമ്പുകളായ സ്കൂളുകൾക്കും നാളെ അവധി പ്രഖ്യാപിച്ചിട്ടുണ്ട്. മഴയ്ക്കൊപ്പം ഇന്നു മുതൽ എട്ടാം തീയതി വരെ മണിക്കൂറിൽ 40 മുതൽ 50 കിലോമീറ്റർ വരെ വേഗതയിൽ ശക്തമായ കാറ്റിന് സാദ്ധ്യതയുണ്ടെന്നും കാലാവസ്ഥാ വകുപ്പ് അറിയിച്ചു.