കന്നിമാസ പൂജകൾക്കായി ശബരിമലനട 16ന് തുറക്കും

പത്തനംതിട്ട: കന്നിമാസ പൂജകൾക്കായി ശബരിമല നട 16ന് വൈകിട്ട് 5ന് തുറക്കും. തന്ത്രി കണ്ഠരര് ബ്രഹ്മദത്തന്റെ സാന്നിദ്ധ്യത്തിൽ മേൽശാന്തി ഇ.ഡി.പ്രസാദ് നമ്പൂതിരി നടതുറന്ന് ശ്രീലകത്ത് ദീപം തെളിക്കും. 17ന് പുലർച്ചെ 5 മുതലാണ് കന്നിമാസപൂജകൾ . ഭക്തർക്ക് വെർച്വൽ ക്യൂ ബുക്കു ചെയ്തും പമ്പയിലെത്തി സ്‌പോട്ട് ബുക്കു ചെയ്തും സന്നിധാനത്തേക്ക് പ്രവേശിക്കാം. സന്നിധാനത്ത് താമസിച്ച് ദർശനം നടത്താൻ ആഗ്രഹിക്കുന്നവർക്ക് www.onlinetdb.com എന്ന വെബ്‌സൈറ്റ് വഴി വിവിധ ഗസ്റ്റ് ഹൗസുകളിലും പിൽഗ്രിം സെന്ററുകളിലും റൂം ബുക്ക് ചെയ്യാൻ കഴിയും.