ദീർഘദൂര ട്രെയിനുകളും റദ്ദാക്കി

കോഴിക്കോട്: സംസ്ഥാനത്തെ നിരവധി സർവീസുകൾക്ക് പിന്നാലെ ഇവിടേക്കുള്ള ദീർഘദൂര ട്രെയിനുകളും റദ്ദാക്കി. പോർബന്ദർ - കൊച്ചുവേളി പ്രതിവാര സൂപ്പർ എക്‌സ്‌പ്രസ് 13 മുതലും കൊച്ചുവേളി - പോർബന്ദർ പ്രതിവാര സൂപ്പർ എക്‌സ്‌പ്രസ് 16 മുതലും ഓടില്ല.

ഇൻഡോർ ജംഗ്ഷൻ - കൊച്ചുവേളി പ്രതിവാര സൂപ്പർ എക്‌സ്‌പ്രസ് 11 മുതൽ നിറുത്തും. കൊച്ചുവേളി - ഇൻഡോർ ജംഗ്ഷൻ സൂപ്പർ എക്‌സ്‌പ്രസ് 14 മുതൽ സർവീസ് നടത്തില്ല. ഗാന്ധിധാം - തിരുനെൽവേലി പ്രതിവാര സൂപ്പർ എക്‌സ്‌പ്രസ് 10 മുതലും തിരുനെൽവേലി - ഗാന്ധിധാം സൂപ്പർ എക്‌സ്‌പ്രസ് 13 മുതലും ഓടില്ല.

കേരളത്തിൽ ലോക്ക് ലോക്ക്ഡൗൺ പ്രഖ്യാപിച്ചിരിക്കെ, റിസർവേഷൻ ശേഷിയുടെ 25 ശതമാനം പോലും യാത്രക്കാരില്ലാത്തതു കാരണം റെയിൽവേ ബോർഡിന്റെ അനുമതിയോടെയാണ് സർവീസുകൾ റദ്ദാക്കിയതെന്ന് വെസ്റ്റേൺ റെയിൽവേ അറിയിച്ചു.