വിഴിഞ്ഞം തുറമുഖം: ഉടമസ്ഥാവകാശം മാറ്റാനാവില്ല, സർക്കാർ അനുമതി അനിവാര്യമെന്ന് മുഖ്യമന്ത്രി

തിരുവനന്തപുരം: സർക്കാരിന്റെ മുൻകൂർ അനുമതിയില്ലാതെ വിഴിഞ്ഞം തുറമുഖത്തിന്റെ ഉടമസ്ഥാവകാശം കൈമാറ്റം ചെയ്യാനാവില്ലെന്ന് മുഖ്യമന്ത്രി വി.ഡി. സതീശൻ നിയമസഭയിൽ വ്യക്തമാക്കി. തുറമുഖം നടത്തിപ്പ് ചുമതല വഹിക്കുന്ന ആദാനി, പോർട്സ് ആൻഡ് സ്‌പെഷ്യൽ ഇക്കണോമിക് സോണിന്റെ 49% ഓഹരികൾ സ്വിറ്റ്സർലൻഡ് കപ്പൽക്കമ്പനിയായ എം.എസ്.സിക്ക് കൈമാറാൻ തീരുമാനിച്ചുവെന്നത് മാദ്ധ്യമങ്ങളിലൂടെയാണ് അറിഞ്ഞത്. ഇതിനുവേണ്ട അനുമതി ആവശ്യപ്പെട്ട് കമ്പനി ഇതുവരെ സർക്കാരിനെ സമീപിച്ചിട്ടില്ല.

അദാനിമായുള്ള കരാറിലെ 5(3) ചട്ടപ്രകാരം സർക്കാരിന്റെ മുൻകൂർ അനുമതിയില്ലാതെ ഉടമസ്ഥാവകാശം മാറ്റാനാവില്ല. കമ്പനി ആക്ട് പ്രകാരം 25ശതമാനത്തിനു മേൽ ഓഹരി കൈമാറിയാൽ ഉടമസ്ഥാവകാശം മാറും. രാജ്യസുരക്ഷയും പൊതുതാത്പര്യവുമായി ബന്ധപ്പെട്ട തന്ത്രപ്രധാന മേഖലയാണ് തുറമുഖം. അതിനാൽ,​ കേന്ദ്ര ആഭ്യന്തര, ഷിപ്പിംഗ് മന്ത്രാലയങ്ങളുടെ അനുമതിയും വേണ്ടിവരും. മത്സരക്ഷമത ഉറപ്പാക്കൽ, നിക്ഷേപം ആകർഷിക്കൽ, ഭാവി വികസനം, സംസ്ഥാനത്തിന്റെ വരുമാന താത്പര്യം തുടങ്ങിയവയും ഉറപ്പാക്കിയേ ഓഹരി വില്പനയ്ക്ക് അംഗീകാരം നൽകാനാവൂ. തുറമുഖത്തെയും അതിനു പുറത്തെയും സൗകര്യങ്ങൾ മറ്റു കമ്പനികൾക്കും വിവേചന രഹിതമായി ഉപയോഗിക്കാനാവണം. ഏതെങ്കിലും ഒരു കമ്പനിയുടെ കുത്തക പാടില്ല. ലോകത്തെ ഏറ്റവും വലിയ കണ്ടെയ്നർ കമ്പനിയായ എം.എസ്.സി നമ്മുടെ തുറമുഖം ഏതെല്ലാം രീതിയിൽ ഉപയോഗിക്കുമെന്ന് പരിശോധിക്കുമെന്നും മുഖ്യമന്ത്രി പറഞ്ഞു. ഒ.എസ്. അംബിക, സേവ്യർ ചിറ്റിലപ്പിള്ളി, സി.കെ. ഹരീന്ദ്രൻ, സജി ചെറിയാൻ, ചാണ്ടി ഉമ്മൻ എന്നിവരുടെ ചോദ്യങ്ങൾക്ക് നൽകിയ മറുപടിയിലാണ് മുഖ്യമന്ത്രി ഇക്കാര്യം വ്യക്തമാക്കിയത്.

കൈമാറ്റം അപകടം: പ്രതിപക്ഷ നേതാവ്

ഓഹരി കൈമറ്റത്തിലൂടെ എം.എസ്.സി കമ്പനിയുടെ കുത്തകാവകാശം വിഴിഞ്ഞത്ത് സ്ഥാപിതമാവുന്നത് അപകടമാണെന്ന് പ്രതിപക്ഷ നേതാവ് പിണറായി വിജയൻ സബ്മിഷനിൽ ചൂണ്ടിക്കാട്ടി. തുറമുഖത്തിന്റെ വികസന സാദ്ധ്യത ചുരുങ്ങും. മത്സരക്ഷമത തകർക്കും. കുത്തക വേരുറപ്പിക്കും. മറ്റ് സാമ്പത്തിക ക്രമക്കേടുകൾക്കും വഴിവയ്ക്കും. സർക്കാരിന് കിട്ടേണ്ട വരുമാന വിഹിതം കൃത്രിമമായി കുറവു വരുത്താൻ ഇടയാക്കും. കയറ്റുമതിക്കാർക്ക് നിശ്ചിത കമ്പനിയുടെ കപ്പലിലും കണ്ടെയ്നറിലും മാത്രമേ ചരക്ക് അയയ്ക്കാനാവൂ എന്ന നിലവരും. അവർ നിശ്ചയിക്കുന്ന നിരക്ക് എല്ലാവരും അംഗീകരിക്കേണ്ടി വരും. ഇതിന്റെ പ്രത്യാഘാതം പരിശോധിക്കണം. കോൺകോർ, സി.ഡബ്യു.സി തുടങ്ങിയ കേന്ദ്ര പൊതുമേഖലാ സ്ഥാപനങ്ങൾ അയ്യായിരം കോടിയുടെ ധാരണാപത്രം ഒപ്പിട്ടിട്ടുണ്ട്. ഇവർക്കെല്ലാം വളർച്ചാസാദ്ധ്യത ഇല്ലാതാവുമെന്നും പിണറായി പറഞ്ഞു.

എം.​എ​സ്.​സി​ക്കു​ ​ന​ൽ​കു​ന്ന​ത്
അ​ദാ​നി​യു​ടെ​ ​ഓ​ഹ​രി​ ​മാ​ത്രം

പ്ര​ത്യേ​ക​ ​ലേ​ഖ​കൻ

തി​രു​വ​ന​ന്ത​പു​രം​:​ ​എം.​എ​സ്.​സി​ ​ക​പ്പ​ൽ​ ​ക​മ്പ​നി​യു​ടെ​ ​നി​ക്ഷേ​പം​ ​വ​രു​ന്ന​തോ​ടെ​ ​വി​ഴി​ഞ്ഞം​ ​തു​റ​മു​ഖ​ത്തി​ന്റെ​ ​ഉ​ട​മ​സ്ഥാ​വ​കാ​ശം​ ​കൈ​മാ​റു​മെ​ന്ന​ ​നി​ല​ ​വ​രു​മെ​ന്ന​ ​പ്ര​ചാ​ര​ണം​ ​ശ​രി​യ​ല്ലെ​ന്ന് ​അ​ദാ​നി​യു​മാ​യി​ ​ബ​ന്ധ​പ്പെ​ട്ട​ ​വൃ​ത്ത​ങ്ങ​ൾ​ ​പ​റ​യു​ന്നു.​ ​വി​ഴി​ഞ്ഞം​ ​തു​റ​മു​ഖ​ത്തി​ന്റെ​ ​ഓ​ഹ​രി​യ​ല്ല,​ ​അ​ദാ​നി​ ​വി​ഴി​ഞ്ഞം​ ​തു​റ​മു​ഖ​ ​ക​മ്പ​നി​യു​ടെ​ ​ഓ​ഹ​രി​യാ​ണ് ​എം.​എ​സ്.​സി​ക്ക് ​കൈ​മാ​റു​ന്ന​ത്.
ഓ​ഹ​രി​ ​കൈ​മാ​റ്റം​ ​സെ​ബി​യെ​യാ​ണ് ​(​സെ​ക്യൂ​രി​റ്റീ​സ് ​ആ​ൻ​ഡ് ​എ​ക്സ്ചേ​ഞ്ച് ​ബോ​ർ​ഡ് ​ഒ​ഫ് ​ഇ​ന്ത്യ​)​ ​ആ​ദ്യം​ ​അ​റി​യി​ക്കേ​ണ്ട​ത്.​ ​അ​തി​നു​ശേ​ഷം​ ​വി​വ​രം​ ​പ​ര​സ്യ​മാ​ക്ക​ണം.​ ​പി​ന്നീ​ടാ​ണ് ​കേ​ന്ദ്ര,​ ​സം​സ്ഥാ​ന​ ​സ​ർ​ക്കാ​രു​ക​ളു​ടെ​ ​അ​നു​മ​തി​ ​തേ​ടേ​ണ്ട​ത്.​ ​മു​ന്നു​ ​കേ​ന്ദ്ര​ ​ഏ​ജ​ൻ​സി​ക​ളു​ടെ​യും​ ​അ​നു​മ​തി​യു​ണ്ടാ​വ​ണം.​ ​ന​ട​പ​ടി​ക്ര​മ​ങ്ങ​ൾ​ ​പൂ​ർ​ത്തി​യാ​വാ​ൻ​ ​മൂ​ന്നു​ ​മു​ത​ൽ​ ​ആ​റു​ ​മാ​സം​ ​വ​രെ​യെ​ടു​ക്കും.​ ​സെ​ബി​ ​അ​നു​മ​തി​ക്ക് ​മു​ൻ​പ് ​വി​ദേ​ശ​നി​ക്ഷേ​പ​ത്തെ​ക്കു​റി​ച്ച് ​ആ​രെ​യും​ ​അ​റി​യി​ക്കാ​ൻ​ ​പാ​ടി​ല്ലെ​ന്നാ​ണ് ​നി​യ​മം.
എം.​എ​സ്.​സി​ ​നി​ക്ഷേ​പി​ക്കു​ന്ന​ ​തു​ക​ ​തു​റ​മു​ഖ​ത്തി​ന്റെ​ ​അ​ടു​ത്ത​ഘ​ട്ട​ങ്ങ​ളു​ടെ​ ​വി​ക​സ​ന​ത്തി​നാ​ണ് ​ഉ​പ​യോ​ഗി​ക്കു​ക.​ ​അ​ദാ​നി​യു​ടെ​ ​വ​രു​മാ​ന​ത്തി​ന്റെ​ 49​%​ ​എം.​എ​സ്.​സി​യു​മാ​യി​ ​പ​ങ്കു​വ​യ്ക്ക​ണം.​ ​കൂ​ടു​ത​ൽ​ ​ക​പ്പ​ലു​ക​ളെ​ത്തി​ക്കേ​ണ്ട​ ​ബാ​ദ്ധ്യ​ത​യും​ ​എം.​എ​സ്.​സി​ക്കാ​ണ്.​ ​അ​തി​നാ​ലാ​ണ് ​ഓ​ഹ​രി​ ​കൈ​മാ​റ്റം​ ​ത​ന്ത്ര​പ​ര​മാ​വു​ന്ന​ത്.​ ​വി​ഴി​ഞ്ഞം​ ​തു​റ​മു​ഖ​ത്തു​ ​നി​ന്ന് ​അ​ദാ​നി​യെ​ ​ന​ഷ്ട​പ​രി​ഹാ​രം​ ​ന​ൽ​കി​ ​സ​ർ​ക്കാ​ർ​ ​ഒ​ഴി​വാ​ക്കി​യാ​ൽ​ ​എം.​എ​സ്.​സി​യു​മാ​യു​ള്ള​ ​ഓ​ഹ​രി​ ​വി​ല്പ​ന​ ​ക​രാ​റി​ന്റെ​ ​കാ​ലാ​വ​ധി​യും​ ​ക​ഴി​യും.​ ​വാ​യ്പ​യെ​ടു​ക്കു​ന്ന​തി​നു​ ​പ​ക​രം​ ​ഓ​ഹ​രി​ ​കൈ​മാ​റ്റ​ത്തി​ലൂ​ടെ​ ​വി​ക​സ​ന​ത്തി​ന് ​പ​ണം​ ​ക​ണ്ടെ​ത്തു​ക​യാ​ണ് ​അ​ദാ​നി​ ​ചെ​യ്ത​ത്.​ ​ഇ​തി​ലൂ​ടെ​ ​നി​ക്ഷേ​പ​വും​ ​ബി​സി​ന​സും​ ​ശ​ക്ത​മാ​വും.