പ്ലാനിംഗ് ബോർഡിൽ ഇന്റേണാകാം

കേരള പ്ലാനിംഗ് ബോർഡിൽ രണ്ടു മാസത്തെ ഇന്റേൺഷിപ്പിന് അവസരം. പി.ജി,​ പി.എച്ച്ഡിക്കാർക്ക് അപേക്ഷിക്കാം. പി.ജിക്കാർക്ക് 24,000 രൂപയും പി.എച്ച്ഡിക്കാർക്ക് 30,000 രൂപയും പ്രതിമാസം ഫെല്ലോഷിപ്പ് ലഭിക്കും.

യോഗ്യത: ഇക്കണോമിക്സ്,​ ഇക്കണോമെട്രിക്സ്,​ സോഷ്യോളജി,​ ഡെവലപ്മെന്റ് സ്റ്റഡീസ്, കൊമേഴ്സ്,​ സ്റ്റാറ്റിസ്റ്റിക്സ്,​ അഗ്രിക്കൾച്ചർ,​ ഡെമോഗ്രഫി,​ അഗ്രോണമി,​ എൻവയോൺമെന്റൽ സയൻസ്,​ സോഷ്യൽ വർക്ക്,​ ഫിഷറീസ്,​ എഡ്യുക്കേഷൻ,​ ലോ,​ പബ്ലിക് പോളിസി,​ ആന്ത്രോപ്പോളജി,​ കമ്യൂണിറ്റി മെഡിസിൻ,​ ഡെവലപ്മെന്റ് പ്ലാനിംഗ് എന്നീ വിഷയങ്ങളിലോ ഇതുമായി ബന്ധപ്പെട്ട വിഷയങ്ങളിലോ ബിരുദാനന്തര ബിരുദത്തിന് പഠിക്കുന്നവർ അല്ലെങ്കിൽ പി.എച്ച്ഡി ചെയ്യുന്നവർക്ക് അപേക്ഷിക്കാം.

മേഖലകൾ: 19 പ്രധാന മേഖലകളിലാണ് ഇന്റേൺഷിപ് ചെയ്യാനവസരം. അഗ്രിക്കൾച്ചർ ആൻഡ് അലൈഡ് ആക്ടിവിറ്റീസ്,​ കോ ഓപ്പറേറ്റിവ്സ്,​ ഡി സെൻട്രലൈസേഷൻ ആൻഡ് ഗുഡ് ഗവേണൻസ്,​ ഡെമോഗ്രഫി ആൻഡ് കെയർ ഇക്കോണമി,​ ഡിസാസ്റ്റർ മാനേജ്മെന്റ്,​ എഡ്യുക്കേഷൻ ആൻഡ് നോളജ് ഇക്കോണമി,​ എൻവയൺമെന്റ് ആൻഡ് ക്ലൈമറ്റ് ചേഞ്ച്,​ ഫിസ്കൽ സ്റ്റേറ്റ് ഒഫ് ദ ഇക്കോണമി ആൻഡ് റെവന്യു മൊബലൈസേഷൻ,​ ഹെൽത്ത് ആൻഡ് ന്യുട്രീഷ്യൻ,​ ഇൻഡസ്ട്രി ആൻഡ് ഇൻഫ്രാസ്ട്രക്ചർ,​ ഐ.ടി,​ ടൂറിസം ആൻഡ് മൈഗ്രേഷൻ,​ ലേബർ എംപ്ലോയ്മെന്റ് ആൻഡ് സ്കിൽ ഡെവലപ്മെന്റ്,​ എം.എസ്.എം.ഇ ആൻഡ് എന്റപ്രണർഷിപ്,​ പോവർട്ടി ആൻഡ് ലൈവ്‌ലിഹുഡ്, ​ എസ്.സി/എസ്.ടി/മറ്റ് മാർജിനലൈസ്ഡ് വിഭാഗങ്ങൾ,​ സോഷ്യൽ സെക്യൂരിറ്റി ആൻഡ് ഡെവലപ്മെന്റ്,​ പബ്ലിക് പോളിസി, സംസ്ഥാനത്തിന്റെ വികസനവും ആസൂത്രണവുമായി ബന്ധപ്പെട്ട മറ്റ് വിഷയങ്ങൾ എന്നീ മേഖലകളിലാണ് ഇന്റേൺഷിപ്.

തിരഞ്ഞെടുപ്പ്: അപേക്ഷയ്ക്കൊപ്പം 1500 വാക്കിന്റെ റിസർച്ച് പ്രൊപ്പോസലും സമർപ്പിക്കണം. വെബ്സൈറ്റിൽ തന്നിരിക്കുന്ന അപേക്ഷാ മാതൃകയിൽ വകുപ്പ് മേധാവിയുടെ ശുപാർശ കത്ത് സഹിതം വേണം അപേക്ഷിക്കാൻ. പ്രൊപ്പോസലിന്റെയും ഇന്റർവ്യൂവിന്റെയും അടിസ്ഥാനത്തിലാണ് തിരഞ്ഞെടുപ്പ്. intershipspb2026@gmail.com എന്ന ഇ-മെയിലിൽ 20വരെ അപേക്ഷിക്കാം. വിവരങ്ങൾ: spb.kerala.gov.inൽ