എൽ.ഡി.എഫിൽ അടിമയും ഉടമയുമില്ല: ഉപനേതൃപദവി തർക്കത്തിൽ ബിനോയ് വിശ്വം

ന്യൂഡൽഹി: പ്രതിപക്ഷ ഉപനേതാവ് പദവിയെച്ചൊല്ലി സി.പി.എം - സി.പി.ഐ പോര് മുറുകുന്നതിനിടെ, പ്രശ്നം ചർച്ചയിലൂടെ പരിഹരിക്കുമെന്ന് സി.പി.ഐ സംസ്ഥാന സെക്രട്ടറി ബിനോയ് വിശ്വം. ഇക്കാര്യത്തിൽ സി.പി.ഐക്ക് വ്യക്തമായ നിലപാടുണ്ട്. പരിഹാരം ഉണ്ടാകുമെന്ന പ്രതീക്ഷയുണ്ട്. സി.പി.എമ്മും സി.പി.ഐയും ഒരേ രാഷ്ട്രീയ ആശയത്തിന്റെ അടിസ്ഥാനത്തിലാണ് പ്രവർത്തിക്കുന്നത്. എൽ.ഡി.എഫിൽ അടിമയും ഉടമയുമില്ല. എല്ലാ കക്ഷികൾക്കും തുല്യപ്രാധാന്യമാണ്. വിഷയം അടഞ്ഞ അദ്ധ്യായമാണെന്ന പിണറായി വിജയന്റെ നിലപാടിനെക്കുറിച്ചുള്ള ചോദ്യത്തിന് 'എല്ലാം എൽ.ഡി.എഫ് കൺവീനർ പറഞ്ഞിട്ടുണ്ട്' എന്നായിരുന്നു പ്രതികരണം.

 ഡൽഹിയിൽ നിർണായക ചർച്ച

സംസ്ഥാനത്തെ വിഷയങ്ങൾ ദേശീയ നേതൃത്വത്തെ അറിയിക്കാനും തുടർനടപടി തീരുമാനിക്കാനുമായി ഇന്ന് ഡൽഹിയിൽ സി.പി.ഐ സംസ്ഥാന-ദേശീയ നേതാക്കൾ പ്രത്യേകചർച്ച നടത്തും. രാംലീല മൈതാനത്തെ സി.പി.ഐയുടെ ദേശീയ റാലിയോടനുബന്ധിച്ചാണ് കൂടിക്കാഴ്ച. ചർച്ചയിൽ ജനറൽ സെക്രട്ടറി ഡി.രാജയും പങ്കെടുക്കും.

 മഹാറാലി ഇന്ന്

ന്യൂഡൽഹി: കേന്ദ്രസർക്കാർ നയങ്ങൾക്കെതിരെ സി.പി.ഐ സംഘടിപ്പിക്കുന്ന മഹാറാലി ഇന്ന് ഡൽഹി രാംലീല മൈതാനിയിൽ നടക്കും. 'ബദലാവ് ജരൂരി ഹേ'(മാറ്റം അനിവാര്യമാണ്) മുദ്രാവാക്യവുമായി സംഘടിപ്പിക്കുന്ന റാലിയിൽ ലക്ഷം പേർ അണിനിരക്കും. വിലക്കയറ്റം തടയുക, തൊഴിലവസരം ഉറപ്പാക്കുക, കർഷകർക്ക് വിളകൾക്ക് നിയമപരമായ മിനിമം താങ്ങുവില ഉറപ്പാക്കുക, തൊഴിലാളി അവകാശങ്ങൾ സംരക്ഷിക്കുക തുടങ്ങിയ ആവശ്യങ്ങളുയർത്തിയാണ് റാലി.

​ ജ​ന്ദ​ർ​ ​മ​ന്ദ​റി​ൽ പ്രതിഷേധം

​മ​ത്സ്യ​ത്തൊ​ഴി​ലാ​ളി​ക​ളു​ടെ​ ​ഉ​പ​ജീ​വ​നം​ ​സം​ര​ക്ഷി​ക്ക​ണ​മെ​ന്നാ​വ​ശ്യ​പ്പെ​ട്ട് ​എ.​ഐ.​ടി.​യു.​സി​ ​ആ​ൾ​ ​ഇ​ന്ത്യ​ ​ഫി​ഷ് ​വ​ർ​ക്കേ​ഴ്സ് ​ഫെ​ഡ​റേ​ഷ​ൻ​ ​നേ​തൃ​ത്വ​ത്തി​ൽ​ ​ഡ​ൽ​ഹി​യി​ൽ​ ​പ്ര​തി​ഷേ​ധം.​ ​ജ​ന്ദ​ർ​ ​മ​ന്ദ​റി​ലേ​ക്ക് ​ന​ട​ത്തി​യ​ ​റാ​ലി​ ​കേ​ര​ള​ ​ഹൗ​സ് ​പ​രി​സ​ര​ത്ത് ​പൊ​ലീ​സ് ​ത​ട​ഞ്ഞ​തി​നെ​ ​തു​ട​ർ​ന്ന് ​റോ​ഡ​രി​കി​ൽ​ ​ധ​ർ​ണ​ ​ന​ട​ത്തി.

ബ്ലൂ​ ​ഇ​ക്കോ​ണ​മി​ ​ന​യം​ ​പി​ൻ​വ​ലി​ക്കു​ക,​ ​മ​ത്സ്യ​ത്തൊ​ഴി​ലാ​ളി​ക​ൾ​ക്ക് ​ഭൂ​മി​യും​ ​വീ​ടും​ ​ഇ​ൻ​ഷു​റ​ൻ​സും​ ​ഉ​റ​പ്പാ​ക്കു​ക,​ ​കു​ട്ടി​ക​ൾ​ക്ക് ​വി​ദ്യാ​ഭ്യാ​സ​ ​സം​വ​ര​ണം​ ​ന​ൽ​കു​ക,​ ​വ​ൻ​കി​ട​ ​മ​ത്സ്യ​ബ​ന്ധ​ന​ ​ക​മ്പ​നി​ക​ൾ​ക്കു​ള്ള​ ​സ​ബ്സി​ഡി​ ​അ​വ​സാ​നി​പ്പി​ക്കു​ക​ ​തു​ട​ങ്ങി​യ​ ​ആ​വ​ശ്യ​ങ്ങ​ളാ​ണ് ​ഉ​ന്ന​യി​ച്ച​ത്.​ ​എ.​ഐ.​ടി.​യു.​സി​ ​ജ​ന​റ​ൽ​ ​സെ​ക്ര​ട്ട​റി​ ​അ​മ​ർ​ജീ​ത് ​കൗ​ർ​ ​ഉ​ദ്ഘാ​ട​നം​ ​ചെ​യ്തു.