ഹെലികോപ്ടർ വിഷയത്തിൽ വിമർശനം ഉന്നയിക്കാൻ പ്രതിപക്ഷ നേതാവ് വരട്ടെ, അതിന്റെ പേരിൽ ട്രോളുകയല്ല വേണ്ടത് : വി ടി ബൽറാം

തിരുവനന്തപുരം: മുഖ്യമന്ത്രി വി.ഡി. സതീശൻ സർക്കാർ ഹെലികോപ്ടറിൽ കറങ്ങുകയാണെന്ന വിമർശനങ്ങളിൽ പ്രതികരിച്ച് വി.ടി. ബൽറാം എം.എൽ.എ. സർക്കാർ വാടകയ്ക്കെടുത്ത ഹെലികോപ്ടർ ഏതെങ്കിലും തരത്തിൽ ദുരുപയോഗപ്പെടുത്തുന്നുണ്ടെങ്കിൽ അതിന്റെ പേരിൽ എന്നെ സോഷ്യൽ മീഡിയയിൽ ട്രോളുകയല്ല വേണ്ടതെന്ന് ബൽറാം ഫേസ്ബുക്കിൽ കുറിച്ചു.

നാട്ടിലെ ഔദ്യോഗിക പ്രതിപക്ഷം ഉത്തരവാദബോധത്തോടെ അതിനെതിരെ വിമർശനമുന്നയിക്കുക, സർക്കാരിനെ അക്കൗണ്ടബിൾ ആക്കുക എന്നതാണ്. കാറും ബംഗ്ലാവും പരിവാരങ്ങളുമൊക്കെ അനുവദിച്ച് കാബിനറ്റ് റാങ്കിൽ പ്രതിപക്ഷ നേതാവിനെ വച്ചിരിക്കുന്നത് ഇതിനൊക്കെ വേണ്ടിയാണ്. ഹെലികോപ്റ്റർ വിഷയത്തിൽ ഉത്തരവാദിത്തത്തോടെ വിമർശനമുന്നയിക്കാൻ പ്രതിപക്ഷ നേതാവ് പിണറായി വിജയൻ കടന്നുവരട്ടെ. സർക്കാർ അതിന് മറുപടി നൽകട്ടെ. ബൽറാം കൂട്ടിച്ചേർത്തു.

മുഖ്യമന്ത്രി വി.ഡി. സതീശന്റെ ഹെല്കോപ്ടർ യാത്രയെ വിമർശിച്ച് മുൻമന്ത്രി എം.ബി. രാജേഷ് അടക്കമുള്ളവർ രംഗത്ത് വന്നിരുന്നു. രണ്ട് തവണ വ്യക്തിപരമായ ആവശ്യത്തിന് ഹെലികോപ്ടർ പറത്തിയെന്ന് എം.ബി. രാജേഷ് പറഞ്ഞിരുന്നു.