റോഡ് ടാ‌ർ ചെയ്യണം

അമ്പലപ്പുഴ: പുന്നപ്ര വടക്ക് പഞ്ചായത്തിലെ കപ്പക്കട - ആറ്റുതീരം റോഡിന്റെ നിർമ്മാണ പുരോഗതി പാതി വഴിയിൽ നിലച്ചിട്ട് മാസങ്ങളായി. തദ്ദേശ തിരഞ്ഞെട്ടുപ്പിന് ആഴ്ചകൾ മാത്രം ഉള്ളപ്പോഴാണ് എം.എൽ.എയുടെ ആസ്തി വികസന ഫണ്ടിൽ ഉൾപ്പെടുത്തി റോഡിന്റെ നിർമ്മാണം ആരംഭിച്ചത്. ഭൂമിനിരപ്പാക്കി,​മെറ്റൽ ഇട്ടു.റോളറും ചെയ്തു.പിന്നീട് ഒന്നും നടന്നില്ല. മഴക്കാലമായതോടെ സ്കൂൾ കുട്ടികൾക്കും കാൽ നടക്കാർക്കും ദുരിതമായി. രോഗിളെ ആശുപത്രിയിൽ കൊണ്ടുപോകാൻ വിളിച്ചാൽ പോലും വാഹനങ്ങൾ വരാതായി.റോഡ് ടാർ ചെയ്യണമെന്ന് മന്ത്രിക്ക് അയച്ച നിവേദനത്തിൽ ജില്ലാ കോൺഗ്രസ് കമ്മിറ്റി അംഗം എൻ.ശിവദാസ് ആവശ്യപ്പെട്ടു.