പഠനോപകരണ വിതരണം

മാന്നാർ : അഖില കേരള വിശ്വകർമ്മ മഹാസഭ കൂട്ടമ്പേരൂർ 691-ാം നമ്പർ ശാഖയുടെ നേതൃത്വത്തിൽ പഠനോപകരണ വിതരണവും എസ്.എസ്.എൽ.സി, പ്ലസ് ടു പരീക്ഷകളിൽ വിജയികൾക്ക് അനുമോദനവും നടന്നു. ശാഖാ പ്രസിഡന്റ് പ്രഭാകരൻ ആചാരി ഉദ്ഘാടനം നിർവഹിച്ചു. സെക്രട്ടറി എൻ.സന്തോഷ് കുമാർ ലഹരി വിരുദ്ധ ബോധവൽക്കരണ ക്ലാസ് നയിച്ചു. വൈസ് പ്രസിഡന്റ് രാധാകൃഷ്ണൻ, ജോയിന്റ് സെക്രട്ടറി ടി.കെ.ഹരികുമാർ, ട്രഷറർ ഓമനാ ഗണേശൻ, യൂണിയൻ പ്രതിനിധി ഉണ്ണികൃഷ്ണൻ ആചാരി എന്നിവർ സംസാരിച്ചു. കലാകായിക രംഗത്ത് പ്രശസ്തരായ കുട്ടികളെയും അനുമോദിച്ചു.

-