സ്വാതന്ത്ര്യ ദിനാഘോഷം

​അമ്പലപ്പുഴ: രാജ്യത്തിന്റെ 80-ാമത് സ്വാതന്ത്ര്യ ദിനം അമ്പലപ്പുഴ സ്നേഹവീട് അഭയകേന്ദ്രത്തിൽ വിവിധ പരിപാടികളോടെ ആഘോഷിച്ചു. ജനപ്രതിനിധികളുടെയും ഭാരവാഹികളുടെയും സാന്നിധ്യത്തിൽ സ്നേഹവീട് അന്തേവാസികൾക്കൊപ്പം സ്നേഹനിർഭരമായ അന്തരീക്ഷത്തിലായിരുന്നു ആഘോഷങ്ങൾ നടന്നത്. ​സ്നേഹവീട് സ്ഥിരം സമിതി അംഗവും വാർഡ് മെമ്പറുമായ മനോജ് പതാക ഉയർത്തി. തുടര്‍ന്ന് നടന്ന ചടങ്ങിൽ വാർഡ് മെമ്പർ ബിന്ദു ബൈജു സ്വാതന്ത്ര്യ ദിന സന്ദേശം നൽകി. ​ വാർഡ് മെമ്പർമാരായ മനോജ്, ഷഹനാ മജീദ്, ബിന്ദു ബൈജു, സ്നേഹവീട് രക്ഷാധികാരി ചന്തു എന്നിവർ ആഘോഷ പരിപാടികൾക്ക് നേതൃത്വം നൽകി.