സ്വച്ഛത ഹി സേവ ക്യാമ്പയിൻ; ലോഗോ പ്രകാശനം 

ആലപ്പുഴ: സ്വച്ഛ് ഭാരത് മിഷന്റെ കൈയ്യോട് കൈ ക്യാമ്പയിൻ ലോഗോ പ്രകാശനം ജില്ലാ കളക്ടർ ഷാജി.വി.നായർ, നഗരസഭ ചെയർപേഴ്സൺ മോളി ജേക്കബ്, ആരോഗ്യ സ്റ്റാൻഡിംഗ് കമ്മിറ്റി ചെയർമാൻ എ.എം.നൗഫൽ, ജില്ലാ ശുചിത്വ മിഷൻ കോർഡിനേറ്റർ പി.എ.ജസ്റ്റിൻ, ഉദ്യോഗസ്ഥർ എന്നിവർ ചേർന്ന് ജില്ലാ കളക്ടറുടെ ചേമ്പറിൽ നിർവഹിച്ചു. ഒക്ടോബർ 17 വരെ നീളുന്ന ക്യാമ്പയിനിൽ ജില്ലയിലെ മുഴുവൻ പൊതുസ്ഥലങ്ങളും ശുചീകരിക്കും. ക്യാമ്പയിന്റെ ഭാഗമായി ഒക്ടോബർ ഒന്നിന് ശുചീകരണ പ്രവർത്തനങ്ങളിൽ പൊതുജനങ്ങളും ഒരു മണിക്കൂർ (രാവിലെ 8 മുതൽ 9 വരെ) പങ്കാളികളാകും.