സമുദ്രമലിനീകരണം: കുസാറ്റിൽ സമ്മേളനം

കൊച്ചി: കുസാറ്റ് മറൈൻ ബയോളജി, മൈക്രോബയോളജി ആൻഡ് ബയോകെമിസ്ട്രി വകുപ്പിന്റെ ആഭിമുഖ്യത്തിൽ സെപ്തംബർ 25 മുതൽ 27 വരെ 'സമുദ്രമലിനീകരണവും ഇക്കോടോക്സിക്കോളജിയും" എന്ന വിഷയത്തിൽ ദേശീയ സമ്മേളനം നടത്തും. ലക്നൗ ഇന്ത്യൻ ഇൻസ്റ്റിറ്റ്യൂട്ട് ഒഫ് ടോക്സിക്കോളജി റിസർച്ച് കേന്ദ്രം,​ ദേശീയ തീര ഗവേഷണ കേന്ദ്രം എന്നിവയുടെ സഹകരണത്തോടെയുള്ള സമ്മേളനത്തിൽ വിവിധ മേഖലകളിലെ പ്രമുഖർ പങ്കെടുക്കും. സമുദ്രത്തിലെയും തണ്ണീർത്തടങ്ങളിലെയും ഘനലോഹ, കീടനാശിനി, പ്ലാസ്റ്റിക് -മൈക്രോപ്ലാസ്റ്റിക് മലിനീകരണം എന്നിവയെക്കുറിച്ച് ക്ലാസുകളും ചർച്ചകളും ഉണ്ടാകും. സെപ്തംബർ 12നകം രജിസ്റ്റർ ചെയ്യണം. സൈറ്റ്: www.ncmpe2024.com