വാറ്റുചാരായവുമായി പിടിയിൽ

പറവൂർ: അഞ്ചര ലിറ്റർ ചാരായം സൂക്ഷിച്ചയാൾ എക്‌സൈസിന്റെ പിടിയിൽ. കെടാമംഗലം വലിയപറമ്പ് വീട്ടിൽ രാജീവിനെയാണ് (54) എക്സൈസ് പിടികൂടിയത്. വിഷു,​ ഈസ്‌റ്റർ പ്രമാണിച്ചാണ് ഇയാൾ ചാരായം വാറ്റിയതെന്നും സ്വയം ഉപയോഗിക്കാൻ വേണ്ടി ചാരായം വാറ്റുന്നത് പതിവായിരുന്നെന്നും എക്സൈസ് അധികൃതർ പറഞ്ഞു. പെയിന്റിംഗ് തൊഴിലാളിയായ രാജീവിനെ രഹസ്യവിവരത്തിന്റെ അടിസ്‌ഥാനത്തിൽ എക്സൈസ് സർക്കിൾ ഇൻസ്പെക്‌ടർ എം.ഒ. വിനോദിന്റെ നേതൃത്വത്തിലാണ് പിടികൂടിയത്. കോടതിയിൽ ഹാജരാക്കി റിമാൻഡ് ചെയ്തു.