
കൊച്ചി: കായിദയും റേലയും ഇടമുറിയാതെ വാദ്യസംഗീതത്തിന്റെ അലകൾ തീർത്ത് പണ്ഡിറ്റ് യോഗേഷ് സംസിയുടെ തബല സോളോ അവതരണം വിസ്മയമായി. അന്തരിച്ച തബല ആചാര്യൻ പണ്ഡിറ്റ് എൻ. വെങ്കടേഷ് നായകിന്റെ 109-ാം ജന്മവാർഷികത്തോടനുബന്ധിച്ച് അമരാവതി ശ്രീ ഗോപാലകൃഷ്ണ മണ്ഡപത്തിൽ സംഘടിപ്പിച്ച സംഗീത പരിപാടിയിലാണ് പഞ്ചാബ് ഖരാനയ്ക്ക് ആഗോള പ്രശസ്തി നേടിക്കൊടുത്ത പണ്ഡിറ്റ് യോഗേഷ് സംസി കൊച്ചിയുടെ സംഗീതമനസുകളെ കീഴടക്കിയത്. സൂര്യ ഉപാദ്യായ ഹാർമോണിയം ലെഹ്റയിൽ അകമ്പടിയായി. ബാലകൃഷ്ണ കമ്മത്ത്, ജയൻ മലമാരി , ശിവരാജ് എസ്. ഭട്ട് , രഘുരാജ് ആർ. സേട്ട് എന്നിവരും സംഗീതാവതരണം നടത്തി. ഡീൻ മോഹനാണ് പരിപാടി സംഘടിപ്പിച്ചത്.
|
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |