ഗാന്ധി ദർശൻവേദി സ്വാതന്ത്ര്യദിനാഘോഷം

പെരുമ്പാവൂർ: കേരള പ്രദേശ് ഗാന്ധി ദർശൻവേദി പെരുമ്പാവൂർ നിയോജക മണ്ഡലം കമ്മിറ്റിയുടെ നേതൃത്വത്തിൽ കുറുപ്പംപടി ഡയറ്റ് ലാബ് സ്കൂളിൽ നടന്ന സ്വാതന്ത്ര്യദിനാഘോഷം ജില്ലാ ചെയർമാൻ എം.എം. ഷാജഹാൻ ഉദ്ഘാടനം ചെയ്തു. നിയോജക മണ്ഡലം ചെയർമാൻ ബിജോയി വർഗീസ് അദ്ധ്യക്ഷനായി. ഡയറ്റ് പ്രിൻസിൽ ബി.എസ്. ദീപാ ഗാന്ധി അനുസ്മരണ സന്ദേശവും കെ.കെ. മാത്തുക്കുഞ്ഞ് ദേശീയ പതാക വിതരണവും ജില്ലാ സെക്രട്ടറി പി. കൃഷ്ണമോഹൻ ഗാന്ധി പുസ്തക വിതരണവും നടത്തി. വായന പൂർണിമ കൺവീനർ നജീബ് പുത്തൻ വീട്ടിൽ സംസാരിച്ചു. വിദ്യാർത്ഥികളുടെ ദേശഭക്തി നൃത്തം നടന്നു. മുഴുവൻ വിദ്യാർത്ഥികൾക്കും ദേശീയ പതാകയും ഗാന്ധിയൻ പുസ്തകങ്ങളും നൽകി.