എം.എൽ.എ കണക്ട് പ്രവർത്തനസജ്ജം

കോതമംഗലം: കോതമംഗലം എം.എൽ.എ ഓഫീസ് വിർച്വൽ ഓഫീസായി മാറി. എം.എൽ.എ കണക്ട് എന്ന പേരിൽ നടപ്പാക്കിയ ഓഫീസിന്റെ ഉദ്ഘാടനം ഡീൻ കുര്യാക്കോസ് എം.പി നിർവഹിച്ചു. പൊതുജനങ്ങൾക്ക് ഓഫീസിൽ എത്താതെ പരാതികളും ആവശ്യങ്ങളും അറിയിക്കാം എന്നതാണ് പ്രധാനനേട്ടം. എല്ലാ പ്രവർത്തനങ്ങളിലും സുതാര്യത ഉറപ്പാക്കുകയാണ് എം.എൽ.എ കണക്ടിന്റെ ലക്ഷ്യമെന്ന് ഷിബു തെക്കുംപുറം എം.എൽ.എ പറഞ്ഞു. ചടങ്ങിൽ ഭാനുമതി രാജു, ജെസി സാജു, എ.ജി.ജോർജ്, കെ.പി.ബാബു, ഷെമീർ പനക്കൽ, അബു മൊയ്തീൻ, എ.ടി.പൗലോസ്, പി.കെ.മൊയ്തു, പി.എം.സക്കറിയ, എ.സി.രാജശേഖരൻ, പി.എ.എം.ബഷീർ, ജോമി തെക്കേക്കര, സി.കെ.സത്യൻ,ബാബു പോൾ തുടങ്ങിയവർ പങ്കെടുത്തു.