ലഹരി വിരുദ്ധ ബോധവത്കരണം

കാഞ്ഞങ്ങാട്: മാവുങ്കാൽ പള്ളോട്ട് ഭഗവതി അമ്മ ദേവസ്ഥാനത്ത് മേയ് ഒന്നു മുതൽ നാലു വരെ നടക്കുന്ന കളിയാട്ട ഉത്സവത്തിന്റെ മുന്നോടിയായി ലഹരി വിരുദ്ധ ബോധവത്കരണ ക്ലാസും ലഹരി വിരുദ്ധ പ്രതിജ്ഞയും നടന്നു. ക്യാമ്പ് അജാനൂർ പഞ്ചായത്ത് വൈസ് പ്രസിഡന്റ് കെ. സബീഷ് ഉദ്ഘാടനം ചെയ്തു. മുൻ എക്സൈസ് ഓഫീസർ എൻ.ജി രഘുനാഥൻ നേതൃത്വം നൽകി. ദേവസ്ഥാനം പ്രസിഡന്റ് കെ. ദാമോദരൻ നായർ അദ്ധ്യക്ഷനായി. മെമ്പർ പി. സുനിത, അഡ്വ. ടി.കെ സുധാകരൻ, കെ.എം ഗോപാലൻ, കെ. സുജാത, മിനി ശ്രീനിവാസൻ, പി. സുനിൽകുമാർ എന്നിവർ സംസാരിച്ചു. ശ്രീധരൻ ആലുംകുഴി സ്വാഗതവും ടി.കെ ജയചന്ദ്രൻ നന്ദിയും പറഞ്ഞു. കളിയാട്ട ഉത്സവത്തിൽ പള്ളോട്ട് ഭഗവതി, പന്നിക്കുളത്ത് ചാമുണ്ഡി തെയ്യങ്ങൾ അരങ്ങിലെത്തും.