വായനക്കാർക്ക് ആദരം നൽകി

ഉദിനൂർ: മികച്ച പുസ്തക വായനക്കാർക്ക് ആദരം നൽകി കിനാത്തിൽ സാംസ്കാരിക സമിതി വായനശാല ആൻഡ് ഗ്രന്ഥാലയം. ഗ്രന്ഥശാല വാരാചരണത്തിന്റെ ഭാഗമായാണ് വായനശാല പരിധിയിലെ ഏഴ് മികച്ച പുസ്തക വായനക്കാരെ വീടുകളിലെത്തി ആദരിച്ചത്. ശാരീരികമായ അവശതകൾക്കിടയിലും വായനയെ കൈവിടാതെ പുസ്തകൾക്കായി ലൈബ്രേറിയന്റെ വരവും കാത്തിരിക്കുന്നവർ പുതിയ തലമുറയ്ക്ക് വിസ്മയം പകരുകയാണ്. കണ്ണോത്ത് കാർത്യായനി, കെ. ലത, ടി.വി. രാഘവൻനായർ, കണ്ണോത്ത് പാർവ്വതി, മൂലച്ചേരി രാധ, കെ. കമ്മാരൻ, ഉമേശൻ വെങ്ങലാട്ട് എന്നിവരാണ് വായനശാല പരിധിയിലെ മികച്ച വായനക്കാർ. വായനശാല പ്രവർത്തകരായ പി. ഉണ്ണികൃഷ്ണൻ, ടി.വി സുധീർകുമാർ, വി.വേണുഗോപാലൻ, പി.വി. മഹേഷ് കുമാർ, പി.ടി പ്രസൂതി,സൗമ്യ, ശ്രീജ സന്തോഷ്, ലൈബ്രേറിയൻ സ്മിത, ജ്വാല തിയേറ്റേഴ്സ് പ്രസിഡന്റ് പി.വി മനോജ്, ജ്വാലാ സ്പോർട്ടിംഗ് പ്രസിഡന്റ് ശരത്ത് വല്ലയിൽ തുടങ്ങിയവർ പങ്കെടുത്തു.