കല്ലട ജലോത്സവത്തിലും ആരോമ ജലരാജാവ്

കൊ​ല്ലം: ക​ല്ല​ട​യിൽ ന​ട​ന്ന ചാ​മ്പ്യൻ​സ് ബോ​ട്ട് ലീ​ഗിന്റെ ആ​റാം സീ​സണിലെ ര​ണ്ടാം ലീ​ഗ് മ​ത്സ​ര​ത്തിൽ കൊ​ല്ലം അ​രോ​മ ബോ​ട്ട് ക്ല​ബ് തു​ഴ​ഞ്ഞ അ​രോ​മ ചു​ണ്ടൻ ജേ​താ​ക്ക​ളാ​യി. നെ​ട്ടാ​യ​ത്തിന്റെ മു​ക്കാൽ​ ഭാഗം പി​ന്നി​ടു​മ്പോ​ഴും മു​ന്നി​ലാ​യി​രു​ന്ന നി​ര​ണം ബോ​ട്ട് ക്ല​ബിന്റെ നി​ര​ണം ചു​ണ്ട​നെ അവസാന ലാപ്പിൽ അ​വി​ശ്വ​സ​നീ​യ​മാ​യ കു​തി​പ്പി​ലൂ​ടെ പിന്നിലാക്കിയാണ് സി.ബി.എൽ ആ​റാം സീ​സ​ണി​ലെ തു​ടർ​ച്ച​യാ​യ ര​ണ്ടാം ജ​യം അ​രോ​മ തട്ടിയെടുത്തത്..

അ​രോ​മ ചു​ണ്ടൻ (3.37.867 മി​നി​റ്റ്), നി​ര​ണം ചു​ണ്ടൻ (3.38.273 മി​നി​റ്റ്), വീ​യ​പു​രം ചു​ണ്ടൻ ( 3.39.849 മി​നി​റ്റ്) എ​ന്നി​ങ്ങ​നെ​യാ​ണ് ഫൈ​ന​ലി​ലെ ഫി​നി​ഷ് സ​മ​യം. തു​ട​ക്ക​ത്തി​ലെ ലീ​ഡ് നി​ല​നി​റു​ത്തി​യ യു.ബി.സി എ​ഫ്.സി തു​ഴ​ഞ്ഞ വീ​യ​പു​രം ചു​ണ്ടൻ പ​ക്ഷെ പ​കു​തി പി​ന്നി​ട്ട​പ്പോൾ കി​ത​ച്ചു. ആ​ദ്യപാ​ദ​ത്തിൽ ഇ​ഞ്ചോ​ടി​ഞ്ച് പോ​രാ​ട്ട​മാ​ണ് മൂ​ന്നു വ​ള്ള​ങ്ങ​ളും കാ​ഴ്​ച​വ​ച്ച​ത്. പ​കു​തി​​ക്ക് തൊ​ട്ട് മു​മ്പ് നി​ര​ണം മു​ന്നി​ലെ​ത്തി. പ​ക്ഷെ നെ​ട്ടാ​യ​ത്തിന്റെ മു​ക്കാൽ ഭാഗം പി​ന്നി​ട്ട​പ്പോൾ അ​രോ​മ ന​ട​ത്തി​യ കു​തി​പ്പ് സി.ബി.എൽ ച​രി​ത്ര​ത്തി​ലെ മി​ക​ച്ച മു​ഹൂർ​ത്ത​ങ്ങ​ളി​ലൊ​ന്നാ​യി മാ​റി. ഇ​രു​പ​ത്തി​യെ​ട്ടാം ഓ​ണ​ത്തി​ന് ന​ട​ത്തി​യ ക​ല്ല​ട ജ​ലോ​ത്സ​വ​ത്തിൽ ഇ​രു​ട്ടു കു​ത്തി, വെ​പ്പ് തു​ട​ങ്ങി​യ ചെ​റു​വ​ള്ള​ങ്ങ​ളു​ടെ മ​ത്സ​ര​ങ്ങ​ളും സം​ഘ​ടി​പ്പി​ച്ചി​രു​ന്നു.

ഫി​നി​ഷിം​ഗ് ടൈം

അ​രോ​മ ചു​ണ്ടൻ (അ​രോ​മ ബോ​ട്ട് ക്ല​ബ്, പ​ര​വൂർ, കൊ​ല്ലം)
നി​ര​ണം ചു​ണ്ടൻ (നി​ര​ണം ബോ​ട്ട് ക്ല​ബ്, നി​ര​ണം)
വീ​യ​പു​രം ചു​ണ്ടൻ (യു.ബി.സി കൈ​ന​ക​രി എ​ഫ്.സി)
മേൽ​പ്പാ​ടം ചു​ണ്ടൻ (പ​ള്ളാ​ത്തു​രു​ത്തി ബോ​ട്ട് ക്ല​ബ്)
പു​ണ്യാ​ളൻ നി​ര​ണം (കു​മ​ര​കം ടൗൺ ബോ​ട്ട് ക്ല​ബ്, കു​മ​ര​കം),
ചെ​റു​ത​ന ചു​ണ്ടൻ (എൻ.ബി. സി നാ​ട്ട​കം ബോ​ട്ട് ക്ല​ബ്)
ആർ​പ്പൂ​ക്ക​ര ചു​ണ്ടൻ (ഇ​മ്മാ​നു​വൽ ബോ​ട്ട് ക്ലബ്ബ്, കു​മ​ര​കം)
ന​ടു​ഭാ​ഗം ചു​ണ്ടൻ (പി.ബി.സി പു​ന്ന​മ​ട, എൻ.​സി.​എ​ഫ്.സി ബോ​ട്ട് ക്ല​ബ്)
ത​ല​വ​ടി ചു​ണ്ടൻ (വി​ല്ലേ​ജ് ബോ​ട്ട് ക്ല​ബ്)