ജീവകാരുണ്യ പ്രവർത്തനങ്ങളിൽ  ആശ്രയയുടെ സേവനം മാതൃകാപരം

കോട്ടയം: ജീവകാരുണ്യ പ്രവർത്തനങ്ങളിൽ വൈക്കം ആശ്രയ സന്നദ്ധ സേവന സംഘടന നടത്തുന്ന സേവന പ്രവർത്തനങ്ങൾ മാതൃകാപരമാണെന്ന് എ.ഐ.സി.സി ജനറൽ സെക്രട്ടറി കെ.സി വേണുഗോപാൽ എം.പി പറഞ്ഞു. ആശ്രയ നടത്തി വരുന്ന ജീവകാരുണ്യ പ്രവർത്തനങ്ങളുടെ ധനശേഖരണാർത്ഥം നടത്തുന്ന കേക്ക് ചലഞ്ച് ഉദ്ഘാടനം ചെയ്തു സംസാരിക്കുകയായിരുന്നു എം.പി. ആശ്രയ ചെയർമാൻ പി.കെ മണിലാൽ അദ്ധ്യക്ഷത വഹിച്ചു.ഇടവട്ടം ജയകുമാർ, ബി.ചന്ദ്രശേഖരൻ, പി.വി ഷാജി, വി.അനൂപ്, വർഗീസ് പുത്തൻചിറ, ശ്രീദേവി അനിരുദ്ധൻ, സന്ധ്യ വിനോദ്, ടി.സി ദേവദാസ്, വൈക്കം ജയൻ എന്നിവർ പങ്കെടുത്തു.