ഹെഡ് പോസ്റ്റ് ഓഫീസ് ധർണ

വൈക്കം : കേന്ദ്ര സർക്കാരിന്റെ ഭക്ഷ്യനയത്തിന്റെ ഭാഗമായി നടപ്പിലാക്കാൻ പോകുന്ന ഡയറക്ട് ബെനഫിറ്റ് ട്രാൻസ്ഫർ പദ്ധതിക്കെതിരെ ഓൾ കേരള റീട്ടെയിൽ റേഷൻ ഡീലേഴ്‌സ് അസോസിയേഷൻ വൈക്കം ഹെഡ് പോസ്റ്റാഫീസ് ധർണ നടത്തി. നഗരസഭ ചെയർപേഴ്‌സൺ അബ്ദുൾസലാം റാവുത്തർ ഉദ്ഘാടനം ചെയ്തു. താലൂക്ക് പ്രസിഡന്റ് ഐ. ജോർജ്ജുകുട്ടി അദ്ധ്യക്ഷത വഹിച്ചു. സംസ്ഥാന സെക്രട്ടറി വി.ജോസഫ് മുഖ്യപ്രഭാഷണം നടത്തി. ജില്ലാ ഓർഗനൈസിംഗ് സെക്രട്ടറി കെ.ഡി വിജയൻ, അജീഷ് പി.നായർ, എൻ.ജെ ഷാജി, കെ.ജി ഇന്ദിര, ടി.എസ് ബൈജു, ജോർജ് ജോൺ, അനൂപ് എസ്.നായർ, ജിൻഷോ ലൂക്കോസ്, എസ്.എൻ ബിനേഷ് കുമാർ തുടങ്ങിയവർ പ്രസംഗിച്ചു.