വിദ്യാർത്ഥികൾക്ക്  മത്സരങ്ങൾ

കോട്ടയം : ശിശുദിനത്തോടനുബന്ധിച്ച് ജില്ലാ ശിശുക്ഷേമ സമിതിയുടെ നേതൃത്വത്തിൽ സ്‌കൂൾ വിദ്യാർത്ഥികൾക്കായി സംഘടിപ്പിക്കുന്ന മത്സരങ്ങൾ എട്ടിന് രാവിലെ പത്തുമുതൽ ചങ്ങനാശേരി ഗവ.ഹയർ സെക്കൻഡറി സ്‌കൂളിൽ നടക്കും.
എൽ.പി, യു.പി, ഹൈസ്‌കൂൾ, ഹയർ സെക്കൻഡറി വിഭാഗങ്ങളിൽ പ്രസംഗം (മലയാളം), ഉപന്യാസരചന (മലയാളം), ചിത്രരചന എന്നീയിനങ്ങളിലാണ് മത്സരങ്ങൾ. രജിസ്‌ട്രേഷൻ രാവിലെ ഒൻപതിന് ആരംഭിക്കും. വിദ്യാർത്ഥികൾ പ്രധാനാദ്ധ്യാപകന്റെ സാക്ഷ്യപത്രം ഹാജരാക്കണം. ചിത്രരചനാ മത്സരത്തിന് ബ്രഷ്, വാട്ടർ കളർ, ക്രയോൺസ് എന്നിവ കൊണ്ടുവരണം. ഫോൺ : 9447355195, 9447366800.