യാത്രയയപ്പ് സമ്മേളനം

മുക്കം: ചേന്ദമംഗല്ലൂർ പോസ്റ്റോഫീസിൽ നിന്ന് 41 വർഷത്തെ സേവനത്തിന് ശേഷം വിരമിക്കുന്ന ഇ.സരോജിനിക്ക് ചേന്ദമംഗല്ലൂർ പൗരാവലി യാത്രയയപ്പ് നൽകി. ഉദയം ഹാളിൽ മുക്കം നഗരസഭ ചെയർപേഴ്സൺ അഡ്വ.കെ.പി.ചാന്ദ്നി ഉദ്ഘാടനം ചെയ്തു. വാർഡ് കൗൺസിലർ ബനൂജ അദ്ധ്യക്ഷത വഹിച്ചു. ഒ.അബ്ദുറഹിമാൻ മുഖ്യപ്രഭാഷണം നടത്തി. എഴുത്തുകാരൻ ഹമീദ് ചേന്ദമംഗലൂർ സരോജിനിക്ക് ഉപഹാരം സമർപ്പിച്ചു. മുക്കം നഗരസഭാ കൗൺസിലർമാരായ എ.പി.നിസാം, ജസീല അസിസ്, ഷഫീഖ് മാടായി, ഇസ്ലാഹിയ അസോസിയേഷൻ പ്രസിഡന്റ് കെ.സുബൈർ, ടി.പി.വത്സൻ, ടി.ബാവ ,കെ .ടി.നജീബ്, ബന്ന ചേന്ദമംഗല്ലൂർ, എ.അബ്ദുൽ ഗഫൂർ പ്രസംഗിച്ചു. ഇ സരോജിനി മറുപടി പ്രസംഗം നടത്തി.