ബിഗ് സ്ക്രീൻ പ്രദർശനവും മെഗാ  ഇവന്റും 

​ഫറോക്ക്: റഹിമാൻ ബസാർ ഫുട്ബോൾ അസോസിയേഷൻ​ സംഘടിപ്പിക്കുന്ന മൂന്നാമത് വേൾഡ് കപ്പ് ഫുട്ബോൾ ബിഗ് സ്ക്രീൻ പ്രദർശനവും മെഗാ ഇവന്റും സോക്കർ വൈബ്സ് 2026 കോഴിക്കോട് ​ മേയർ ഒ. സദാശിവം ​ഉദ്ഘാടനം ചെയ്തു. ബമ്പർ സമ്മാന കൂപ്പൺ വിതരണം നഗരാസൂത്രണ സ്റ്റാന്റിംഗ് കമ്മിറ്റി ചെയർപേഴ്സൺ സി സന്ദേശ് നടത്തി.കൗൺസിലറും റഫയുടെ ചെയർമാനുമായ ഇ ആദം മാലിക് അദ്ധ്യക്ഷത വഹിച്ചു. കൗൺസിലർ ഷഹർബാൻ പ്രസംഗിച്ചു. ബോഡി ബിൽഡർ ചാമ്പൃൻ ഷബീറലിയേയും, യുവ എഴുത്തുകാരി ഫാസില കൊളത്തറയെയും ആദരിച്ചു. ഫിർദൗസ് പി സ്വാഗതവും റിയാസ് പി നന്ദിയും പറഞ്ഞു.