വിജയികളെ അനുമോദിച്ചു

മുക്കം: എസ്.എസ്.എൽ.സി, പ്ലസ് ടു പരീക്ഷകളിൽ വിജയിച്ചവരെയും വിവിധ മേഖലകളിൽ കഴിവ് തെളിയിച്ചവരെയും സ്പന്ദനം റസിഡൻസ് അസോസിയേഷൻ അനുമോദിച്ചു. അസോസിയേഷനിൽ ഉൾപ്പെട്ട വീടുകൾക്ക് നെയിംബോർഡുകൾ (സ്റ്റിക്കർ ) വിതരണം ചെയ്തു. ഉപഹാര വിതരണ ഉദ്ഘാടനം മുക്കം മുനിസിപ്പൽ വിദ്യാഭ്യാസ സ്റ്റാൻഡിംഗ് കമ്മിറ്റി ചെയർപേഴ്സൺ മനീഷ ഉള്ളാട്ടിലും സ്റ്റിക്കർ വിതരണ ഉദ്ഘാടനം മുനിസിപ്പൽ കൗൺസിലർ സജീഷ് വായലത്തും നിർവഹിച്ചു. സ്പന്ദനം പ്രസിഡന്റ് എ വി സുധാകരൻ അദ്ധ്യക്ഷത വഹിച്ചു. സെക്രട്ടറി പത്മനാഭൻ നന്ദനം സ്വാഗതം പറഞ്ഞു. ബിജു ഫ്രാൻസിസ്, ദാമോദരൻ കോഴഞ്ചേരി, സജ്ന പുല്ലുകാവിൽ, അജീഷ് വായലത്ത്, മനോമി, ജിൻഷ കൊള്ളങ്ങോട്ട്, റഹ്മത്ത് ബീവി ,കെ കെ രഘുനാഥ് എന്നിവർ പ്രസംഗിച്ചു.