ചുരത്തിൽ കണ്ടെയ്നർ കുടുങ്ങി: ഗതാഗത തടസം നേരിട്ടു

താമരശ്ശേരി: ചുരം ആറാം വളവിൽ കണ്ടെയിനർ ലോറി കുടുങ്ങിയതിനെ തുടർന്ന് ചുരത്തിൽ വൻ ഗതാഗത തടസം നേരിട്ടു. ഞായറാഴ്ച പുലർച്ചെ 4 മണിക്കാണ് കണ്ടെയ്നർ കുടുങ്ങിയത്. അതോടെ ചുരമിറക്കാനും കയറാനും കഴിയാതെ വാഹനങ്ങൾ ചുരത്തിൽ കുടുങ്ങി. ബംഗളൂരുവിൽ നിന്ന് കോഴിക്കോട് ഭാഗത്തേക്ക് പോകേണ്ട കെ.എസ്.ആർ.ടി.സി. ബസുകളും, അനേകം, ടൂറിസ്റ്റ്, ബസ്സുകളും, സ്വകാര്യ വാഹനങ്ങളും വഴിയിൽ കുടുങ്ങി. രാവിലെ ഒൻപത് മണിയോടെ ഗതാഗതം പുന:സ്ഥാപിച്ചെങ്കിലും, അവധി ദിവസമായതിനാൽ ചുരത്തിൽ നേരിയ തോതിൽ ഗതാഗത തടസ്ഥം നേരിട്ടു. താമരശ്ശേരി ട്രാഫിക്ക് സ്റ്റേഷനിലെ പൊലീസുകാരും, ഹൈവേ പൊലീസും അടിവാരം പൊലീസ് ഐഡ് പോസ്റ്റിലെ പൊലീസുകാരും. ചുരം സംരക്ഷണ സമിതി പ്രവർത്തകരും ചേർന്നാണ് വാഹനക്കുരുക്ക് അഴിച്ചത്.