പ്രതിഷേധപ്രകടനം സംഘടിപ്പിച്ചു

​മുക്കം: സ്ത്രീകളെ അധിക്ഷേപിച്ച് മന്ത്രി സി.പി ജോൺ നടത്തിയ പ്രസ്താവനയിൽ പ്രതിഷേധിച്ച് അഖിലേന്ത്യാ ജനാധിപത്യ മഹിളാ അസോസിയേഷൻ തിരുവമ്പാടി ഏരിയ കമ്മിറ്റിയുടെ നേതൃത്വത്തിൽ മുക്കം അങ്ങാടിയിൽ പ്രതിഷേധ പ്രകടനം നടത്തി.

​ഉത്തരവാദപ്പെട്ട സ്ഥാനത്തിരിക്കുന്ന ഒരു മന്ത്രിയുടെ ഭാഗത്തുനിന്ന് കേവലം സ്ത്രീവിരുദ്ധവും സംസ്കാരശൂന്യവുമായ വാക്കുകൾ ഉണ്ടാകുന്നത് ജനാധിപത്യ സമൂഹത്തിന് തീരാക്കളങ്കമാണെന്ന് പ്രതിഷേധക്കാർ ആവശ്യപ്പെട്ടു. ​മുക്കം ടൗൺ കേന്ദ്രീകരിച്ച് നടന്ന പ്രതിഷേധ പ്രകടനം മഹിളാ അസോസിയേഷൻ ഏരിയാസെക്രട്ടറി അഡ്വ. കെ. പി ചാന്ദ്നി ഉദ്‌ഘാടനം ചെയ്തു. എ.ഐ.ഡി.ഡബ്ല്യു.എ ഏരിയാ കമ്മിറ്റി മെമ്പർമാരായ ഉഷാകുമാരി, ജോഷില, രജനി, സ്മിത പി.പി എന്നിവർ പ്രസംഗിച്ചു.