ഖാദിമേളയ്ക്ക് തുടക്കമായി

ബാലുശ്ശേരി: ജില്ലാ ഖാദി ഗ്രാമവ്യവസായ ഓഫീസിന് കീഴിൽ പ്രവർത്തിക്കുന്ന അറപ്പീടിക ഖാദി ഷോറൂമിൽ ഓണം ഖാദിമേളയ്ക്ക് തുടക്കം. വി.ടി സൂരജ് എം.എൽ.എ ഉദ്ഘാടനംചെയ്തു. ബ്ലോക്ക് പഞ്ചായത്ത് പ്രസിഡന്റ് ഇസ്മായിൽ കുറുമ്പൊയിൽ അദ്ധ്യക്ഷത വഹിച്ചു. അറപ്പീടിക റസിഡന്റ്സ് അസോസിയേഷൻ സെക്രട്ടറി ജഫസീറ നൗഫലിന് ഉത്പ്പന്നങ്ങൾ കൈമാറി. ബ്ലോക്ക് ക്ഷേമകാര്യ സ്ഥിരം സമിതി അദ്ധ്യക്ഷൻ വൈശാഖ് കണ്ണോറ ആദ്യവിൽപ്പന നിർവഹിച്ചു. പ്രോജക്ട് ഓഫീസർ വി. ഷിബു, മുൻ വാർഡ് അംഗം ഷൈബാഷ് കുമാർ, വില്ലേജ് ഇൻഡസ്ട്രീസ് ഓഫീസർ ടി.വി നീഷ്മ, ജൂനിയർ സൂപ്രണ്ട് ഷൈൻ ഇ. ജോസഫ് പ്രസംഗിച്ചു. എല്ലാ വസ്ത്രങ്ങൾക്കും 30 ശതമാനം റിബേറ്റ് ലഭിക്കും.