മുലയൂട്ടൽ വാരാചരണം ജില്ലാതല ഉദ്ഘാടനം

കോഴിക്കോട്: ലോക മുലയൂട്ടൽ വാരാചരണം ജില്ലാതല ഉദ്ഘാടനം വടകര ജില്ലാ ആശുപത്രിയിൽ നഗരസഭ വൈസ് ചെയർപേഴ്‌സൺ കെ.എം.ഷൈനി നിർവഹിച്ചു. ജില്ലാ പഞ്ചായത്ത് അംഗം ഷീബ അദ്ധ്യക്ഷത വഹിച്ചു. ജില്ലാ മെഡിക്കൽ ഓഫീസർ ഡോ. എൽ.ടി. സരിതകുമാരി മുഖ്യപ്രഭാഷണം നടത്തി. ആരോഗ്യകേരളം ജില്ലാ പ്രോഗ്രാം മാനേജർ ഡോ. സി.കെ. അഫ്‌സൽ ദിനാചരണ സന്ദേശം നൽകി. ജില്ലാ ആർ.സി.എച്ച് ഓഫീസർ ഡോ. നവ്യ ജെ. തൈക്കാട്ടിൽ റിപ്പോർട്ട് അവതരിപ്പിച്ചു. ജില്ലാ ആശുപത്രി ശിശുരോഗ വിദഗ്ദ്ധൻ ഡോ. ജിതേഷ് ബോധവത്കരണ ക്ലാസെടുത്തു. നഴ്‌സിംഗ് കോളേജ് വിദ്യാർത്ഥികളുടെ ബോധവത്കരണ സ്‌കിറ്റ്, പാരാമെഡിക്കൽ വിദ്യാർത്ഥികളുടെ പോസ്റ്റർ പ്രദർശനം എന്നിവ നടന്നു.