കെ.സി.എസ്.പി.എ കൗൺസിൽ യോഗം

കുന്ദമംഗലം: കേരള കോ-ഓപ്പറേറ്റീവ് സർവീസ് പെൻഷനേഴ്സ് അസോസിയേഷൻ താമരശ്ശേരി താലൂക്ക് കൗൺസിൽ യോഗം കുന്ദമംഗലം ബ്ലോക്ക് പഞ്ചായത്ത് ഷീ ലോഡ്ജ് ഓഡിറ്റോറിയത്തിൽ ജില്ലാ സെക്രട്ടറി വി. വിജയൻ ഉദ്ഘാടനം ചെയ്തു. സഹകരണ പെൻഷൻകാർക്ക് അനുവദിച്ചിരുന്ന ക്ഷാമബത്ത ഏകപക്ഷീയമായി നിർത്തലാക്കിയ നടപടി പിൻവലിച്ച് ക്ഷാമബത്ത പുനഃസ്ഥാപിക്കണമെന്ന് യോഗം ആവശ്യപ്പെട്ടു.താലൂക്ക് പ്രസിഡന്റ് എസ്. ശിവദാസൻ അദ്ധ്യക്ഷത വഹിച്ചു. താലൂക്ക് സെക്രട്ടറി ഇ. വിനോദ്കുമാർ പ്രവർത്തന റിപ്പോർട്ടും ട്രഷറർ പി. എം. ലീല വരവ്-ചെലവ് കണക്കും അവതരിപ്പിച്ചു.

എൻ. സത്യൻ പ്രമേയം അവതരിപ്പിച്ചു. കെ. സി. സെയ്ത് മുഹമ്മദ്, അശോകൻ, ഇ. വിനോദ്കുമാർ, മുരളീധരൻ എന്നിവർ പ്രസംഗിച്ചു. എം. എം. രാജൻ അനുശോചന പ്രമേയം അവതരിപ്പിച്ചു.