വനിതാ കരുത്തിൽ വനാമി ചെമ്മീൻ കൃഷിയിൽ നൂറുമേനി വിളവെടുപ്പ്.

തിരൂർ: വനാമി ചെമ്മീൻ കൃഷിയിൽ നൂറുമേനി വിളവെടുപ്പുമായി വെട്ടം പടിയം സ്വദേശി പി.പി. ഫാത്തിമ.

പ്രധാന മന്ത്രി മത്സ്യസമ്പത് യോജന പദ്ധതിയിൽ ഉൾപ്പെടുത്തിയാണ് കൃഷി ചെയ്തത്. ആദ്യ പരീക്ഷണത്തിൽ തന്നെ ഒരു ടണ്ണോളം വനാമി ചെമ്മീനാണ് ഇവർ വിളവെടുത്തത്.

2025 ഡിസംബർ മാസം 60,​000 വനാമി കുഞ്ഞുങ്ങൾ കുളത്തിൽ നിക്ഷേപിച്ചിരുന്നു. 2026 ഏപ്രിൽ മുതൽ വിളവെടുപ്പ് നടന്നു വരികയാണ്. ഫിഷറീസ് എക്സ്റ്റൻഷൻ ഓഫീസർമാരായ എ.എഫ്. ഷിജി , വൈശാഖ്, ഫിഷറീസ് ഓഫീസർ അനഘ, അക്വാ കൾച്ചർ പ്രൊമോട്ടർ അസ്മാബി എന്നിവരും വിളവെടുപ്പ് സന്ദർശിച്ചു.