മലയാളസർവകലാശാലയിൽ നാടക ശിൽപശാലക്ക് തുടക്കമായി

തിരൂർ: തുഞ്ചത്തെഴുത്തച്ഛൻ മലയാളസർവകലാശാലയിലെ തിയേറ്റർ ക്ലബ്ബിന്റെ ആഭിമുഖ്യത്തിൽ നാട്ടകം ദ്വിദിന നാടക ശില്പശാലക്ക് തുടക്കമായി. ശിൽപശാല വൈസ് ചാൻസലർ ഡോ. സി.ആർ. പ്രസാദ് ഉദ്ഘാടനം ചെയ്തു. നാടക നിർമ്മാണത്തിൻ്റെ വിവിധ ഘട്ടങ്ങളെ അധികരിച്ച് എട്ട് സെഷനുകൾ ശിൽപശാലയിൽ നടക്കും. ശില്പശാലയുടെ ഭാഗമായി വിദ്യാർത്ഥികൾ ഒരു നാടകം നിർമ്മിക്കും. രംഗശാലയിൽ നടന്ന പരിപാടിയിൽ തിയേറ്റർ ക്ലബ്‌ കൺവീനർ ഡോ. ആർ. രാജീവ്‌ മോഹൻ അധ്യക്ഷത വഹിച്ചു.

അന്തരിച്ച നാടക പ്രവർത്തകൻ കെ.വി. വിജേഷിനെ അനുസ്മരിച്ച് ഡോ. ഇ രാധാകൃഷ്ണൻ സംസാരിച്ചു. തിയേറ്റർ ക്ലബ്‌ ഭാരവാഹികളായ ശരത് ശരിധരൻ, ടി.യു.ഷൈമ എന്നിവർ പങ്കെടുത്തു.