വീടുകളിൽ വളർത്തുന്ന നായ്ക്കളേയും, പൂച്ചകളുടേയും കുഞ്ഞുങ്ങളെ വഴികളിൽ ഉപേക്ഷിക്കുന്നതുംഅവയുടെ മേൽ വണ്ടികയറുന്നതും സ്ഥിരം കാഴ്ചകളാണ്. ഭൂമി എല്ലാ ജീവജാലങ്ങൾക്കും അവകാശപ്പെട്ടതാണ്. ശ്രദ്ധിച്ചുള്ള ഡ്രൈവിംഗ് ഒരു ജീവനായിരിക്കും രക്ഷിക്കുക.സ്റ്റേഡിയം ജംഗ്ഷന് സമീപമുള്ള ബസ്റ്റോപ്പിന് സമീപം ഉപേക്ഷിച്ച പൂച്ചക്കുഞ്ഞ്.

കോട്ടയം ചന്തക്കടവിൽ റോഡിൽ യാത്രക്കാർക്ക് ശല്യമായി നിൽക്കുന്ന തെരുവ് നായകൾ.രാത്രികാലങ്ങളിൽ തെരുവ് നായകൾ കുരച്ച് ചാടുന്നത് കൊണ്ട് ഇരുചക്ര വാഹന യാത്രക്കാർ അപകടത്തിൽ പ്പെടാറുണ്ട്

മധുരമാല... ബോംബെ മിഠായി വിൽക്കാൻ നഗരത്തിലെത്തിയ അന്യസംസ്ഥാന തൊഴിലാളികൾ. നാഗമ്പടത്തു നിന്നുള്ള കാഴ്ച

നടവഴിയിൽ നടപടി... നടപ്പാതയിൽ പാർക്ക് ചെയ്തിരിക്കുന്ന വാഹനത്തിന് പെറ്റി അടിക്കാനായി മൊബൈലിൽ ചിത്രം പകർത്തുന്ന പൊലീസുകാർ.കോട്ടയം സെൻട്രൽ ജംഗ്ഷനിലെ കാഴ്ച

അരുവിത്തുറ സെന്റ് ജോർജസ് കോളജിൽ നടക്കുന്ന ഓൾ കേരള ഇന്റർ കോളജ് വോളിബോൾ ചാമ്പ്യൻഷിപ്പിൽ ഇന്നലെ നടന്ന ഉദ്ഘാടന മത്സരത്തിൽ പത്തനാപുരം സെൻ്റ് സ്റ്റീഫൻസ് കോളജ് ആതിഥേയരായ സെന്റ് ജോർജ് കോളജ് എ ടീമുമായി ഏറ്റുമുട്ടിയപ്പോൾ. മൽസരത്തിൽ ഒന്നിനെതിരെ മൂന്ന് സെറ്റുകൾക്ക് അരുവിത്തുറ കോളജ് വിജയിച്ചു.

വീറോടെ പാറി... പാടത്ത് തീറ്റ തേടുന്നതിനിടെ വാനിൽ പറന്ന് കൊത്ത് കൂടുന്ന കൃഷ്ണപ്പരുന്തും ചെമ്പരുന്തും. കോട്ടയം പാറേച്ചാൽ ബൈപ്പാസ് റോഡിൽ നിന്നുള്ള കാഴ്ച

പിടിച്ചുകെട്ടി... കോട്ടയം നാഗമ്പടം ഇൻഡോർ സ്റ്റേഡിയത്തിൽ നടന്ന റവന്യൂ ജില്ലാ സ്കൂൾ ഗെയിംസിൽ സബ് ജൂനിയർ പെൺകുട്ടികളുടെ കബഡി ഫൈനൽ മത്സരത്തിൽ ചങ്ങനാശ്ശേരി ഇത്തിത്താനം എച്ച്.എസ്.എസും,ഏറ്റുമാനൂർ ജി.എം.ആർ.എസും ഏറ്റുമുട്ടുന്നു. ഏറ്റുമാനൂർ ജി.എം.ആർ.എസ് വിജയിച്ചു.

കോട്ടയം എസ്.എൻ.വി സദനത്തിൽ നടന്ന ഓണാഘോഷത്തിൽ തിരുവാതിര അവതരിപ്പിച്ചപ്പോൾ