കട്ടിൽ വിതരണം ചെയ്തു

ചിറ്റൂർ: കൊഴിഞ്ഞമ്പാറ ഗ്രാമപഞ്ചായത്ത് പട്ടികജാതി-പട്ടിക വർഗ വിഭാഗത്തിലുള്ള വയോജനങ്ങൾക്ക് കട്ടിൽ വിതരണം ചെയ്തു. പഞ്ചായത്ത് പ്രസിഡന്റ് എം.സതീഷ് വിതരണോദ്ഘാടനം നിർവഹിച്ചു. 2024-25 സാമ്പത്തിക വർഷത്തിലെ പദ്ധതിയിൽ ഉൾപ്പെടുത്തി 587,250 രൂപയാണ് പദ്ധതിക്കായി വകയിരുത്തിയത്. പഞ്ചായത്ത് പരിധിയിൽ 127 വായോജനങ്ങൾക്ക് കട്ടിൽ നൽകി. വികസന കാര്യസ്ഥിരം സമിതി അദ്ധ്യക്ഷൻ എസ്.മുഹമ്മദ് ഫാറൂഖ്, ആരോഗ്യ വിദ്യാഭ്യാസ കാര്യാ സ്ഥിരം സമിതി അദ്ധ്യക്ഷൻ ഡി.അൽദോ പ്രഭു, ക്ഷേമകാര്യ സ്ഥിരം സമിതി അദ്ധ്യക്ഷ വനജ കണ്ണൻ, വൈസ് പ്രസിഡന്റ് എം.നിലാവർണീസ, പഞ്ചായത്ത് സെക്രട്ടറി എൻ. രാധ, ഐ.സി.ഡി.എസ് സൂപ്പർവൈസർ ടി.ലിമി ലാൽ എന്നിവർ സംസാരിച്ചു.