ലോക തപാൽ ദിനം 

കൊടുവായൂർ: ജി.ബി എൽ.പി സ്‌കൂൾ ലോക തപാൽ ദിനം ആചരിച്ചു. പ്രധാനാദ്ധ്യാപകൻ എസ്.മുരുകവേൽ ഉദ്ഘാടനം ചെയ്തു. വിദ്യാലയത്തിലെ മുഴുവൻ വിദ്യാർത്ഥികളും തപാൽ ദിനത്തിന്റെ ഭാഗമായി പോസ്റ്റ് കാർഡിൽ തപാൽ ദിന ആശംസ കത്തുകൾ എഴുതി പാലക്കാട് ജില്ലയിലെ ഓരോ പോസ്റ്റ് ഓഫീസിലേക്കും അയച്ചു. 2015 മുതൽ നടത്തി വരുന്ന പ്രവർത്തനമാണിത്. ഇനി കുട്ടികൾക്ക് കാത്തിരിപ്പിന്റെ ദിനങ്ങളാണ്. അയച്ച ആശംസ കാർഡിന് നന്ദി അറിയിച്ചു കൊണ്ട് മറുപടി കത്തുകളും സമ്മാനപ്പൊതികളും വന്നു തുടങ്ങും. കുട്ടികൾ തപാൽ ഓഫീസ് സന്ദർശനം നടത്താറുമുണ്ട്.