ഡോക്ടർമാരും ജീവനക്കാരും അവധിയി​ൽ, കുടുംബാരോഗ്യ കേന്ദ്രം തുറന്നി​ല്ല,

അടൂർ : കടമ്പനാട് കുടുംബാരോഗ്യകേന്ദ്രം തുറക്കാതെ ഡോക്ടർമാരും ജീവനക്കാരും കൂട്ടത്തോടെ ഇന്നലെ അവധിയിൽ പ്രവേശിച്ചത് രോഗികളെ വലച്ചു. മൂന്ന് ഡോക്ടർമാരും നഴ്സുമാർ ഉൾപ്പടെയുള്ള ആറ് ജീവനക്കാരുമാണ് ആശുപത്രിയിലുള്ളത്. ഡോക്ടർമാരും ജീവനക്കാരും കൂട്ടത്തോടെ അവധിയിൽ പ്രവേശിക്കരുതെന്ന ജില്ലാ മെഡിക്കൽ ഓഫീസറുടെ നിർദ്ദേശം പാലി​ക്കാതെ കൂട്ടത്തോടെ ലീവ് എടുക്കുകയായി​രുന്നു. ജീവിതശൈലി രോഗങ്ങൾക്ക് മരുന്നു വാങ്ങാനായി​ എത്തി​യ നി​രവധി​ പേർ മടങ്ങി​പോകേണ്ടി​വന്നത് പ്രതി​ഷേധത്തി​നും കാരണമായി​. കോൺ​ഗ്രസി​ന്റെ നേതൃത്വത്തി​ൽ ആരോഗ്യ കേന്ദ്രത്തി​ന് മുന്നി​ൽ നടന്ന പ്രതിഷേധസമരം മുൻ ഗ്രാമപഞ്ചായത്ത് പ്രസിഡന്റ് എം.ആർ.ജയപ്രസാദ് ഉദ്ഘാടനം ചെയ്തു. മണ്ണടി പരമേശ്വരൻ, റെജി മാമൻ, ഷിബു ബേബി, ഗ്രാമപഞ്ചായത്ത് മെമ്പർമാരായ ടി.പ്രസന്നകുമാർ, തുഷാര, സലിം ബാവ, ലാൽകുമാർ, ഹരീഷ് പറങ്കാവിള, രാജേഷ് നിലയ്ക്കൽ, സതീശൻ, സനൽ എന്നിവർ പ്രസംഗിച്ചു.