നടപടി വേണം

പത്തനംതിട്ട : കള്ളപ്പരാതിയിൽ നിരപരാധിയെ ക്രൂരമായി മർദിച്ച കൂടൽ സ്‌റ്റേഷനിലെ പൊലീസുകാർക്കെതിരെ കർശന നടപടി വേണമെന്ന്​ സി.പി.എം ജില്ലാ സെക്രട്ടറി രാജു ഏബ്രഹാം ആവശ്യപ്പെട്ടു. ആരോപണ വിധേയനായ എസ്‌​.ഐയെ ജില്ലാ പൊലീസ് ആസ്ഥാനത്തേക്ക് സ്ഥലംമാറ്റുകയെന്ന വളരെ ലഘുവായ നടപടിയാണ് സ്വീകരിച്ചിട്ടുള്ളത്. ഹൃദ്‌​രോഗിയാണെന്ന് പറഞ്ഞിട്ടും വകവയ്​ക്കാതെ ക്രൂരമർദനം അഴിച്ചുവിടുകയായിരുന്നു. പൊലീസ് സേനയിൽ തുടരാൻ അർഹതയില്ലാത്തവിധമാണ് പ്രവർത്തിച്ചത്. യു.ഡി.എഫ് അധികാരത്തിൽ വന്നതോടെ പൊലീസ് സ്‌​റ്റേഷനുകളിൽ ഗരുഡൻതൂക്കം തിരിച്ചുവരികയാണെന്നും ഇതിനെതിരെ എല്ലാജനാധിപത്യ വിശ്വാസികളും പ്രതിഷേധിക്കണമെന്നും രാജു ഏബ്രഹാം വാർത്താക്കുറിപ്പിൽ അറിയിച്ചു.