വെല്ലുവിളിയായി കാരക്കോണം-അമരവിള റോഡ് യാത്ര    

ധനുവച്ചപുരം: കാരക്കോണം-അമരവിള റോഡിൽ പുരോഗമിച്ചുകൊണ്ടിരിക്കുന്ന പുനർനിർമ്മാണ പ്രവർത്തനങ്ങളിൽ സുരക്ഷാ മാനദണ്ഡങ്ങൾ അവഗണിക്കുന്നതായി നാട്ടുകാർ ആരോപിക്കുന്നു. റോഡിന്റെ പല ഭാഗങ്ങളിലും ഓട നിർമ്മിച്ചിട്ടില്ല. മിക്ക സ്ഥലങ്ങളിലും വൈദ്യുത തൂണുകൾ റോഡിലേക്ക് കയറി നിൽക്കുന്നതും യാത്രക്കാർക്ക് അപകടഭീഷണി ഉണ്ടാക്കുന്നുണ്ട്.

മഴക്കാലമായതോടെ ഉയർന്ന സ്ഥലങ്ങളിൽ നിന്നും ഓടയില്ലാത്ത ഭാഗങ്ങളിൽ വേസ്റ്റും, ചെളിയും, മണ്ണും റോഡിലേക്ക് ഒഴുകി ഇറങ്ങിയിരിക്കുകയാണ്. ഇവയെല്ലാം റോഡിനരികിലെ വൈദ്യുത തൂണുകൾക്ക് കീഴിലും റോഡിലേക്കും അടിഞ്ഞുകൂടി അപകടസാദ്ധ്യത വർദ്ധിപ്പിക്കുകയും യാത്രാ തടസ്സം സൃഷ്ടിക്കുകയും ചെയ്യുന്നുണ്ട്. മുൻപ് നിരവധി അപകടങ്ങൾ ഉണ്ടായിട്ടുണ്ടെന്ന് നാട്ടുകാർ പറയുന്നു.

ഓട നിർമ്മാണം

പൂർത്തിയായിട്ടില്ല

മെയ് പുരം മുതൽ പനയറക്കൽ റോഡ് തുടങ്ങുന്നതു വരെയുള്ള ഭാഗത്തെ ഓട നിർമ്മാണം ഇതുവരെയും പൂർത്തിയായിട്ടില്ല. റോഡിന്റെ കുറച്ചുഭാഗത്ത് മാത്രമേ ഓട നിർമ്മാണം പൂർത്തിയായിട്ടുള്ളൂ. ഓട നിർമ്മിക്കാത്ത ഭാഗങ്ങളിൽ നടപ്പാത കണക്കാക്കി ഇന്റർലോക്കും പാകിയിട്ടുണ്ട്. ഇവിടെയുള്ള വൈദ്യുത തൂണുകളിൽ മിക്കതും നടപ്പാതയ്ക്കും റോഡിനും ഇടയിലായിട്ടാണ് സ്ഥിതിചെയ്യുന്നത്. ഓടയുടെ അഭാവം കാരണം റോഡിലേക്ക് ഒലിച്ചിറങ്ങി കിടക്കുന്ന മണ്ണും ചെളിയും ഇരുചക്ര വാഹനക്കാർക്കും കാൽനടയാത്രക്കാർക്കും വലിയ രീതിയിൽ അപകട ഭീഷണി ഉയർത്തുന്നുണ്ട്.

ഓട അവശ്യം വേണ്ട സ്ഥലത്ത് ഇന്റർലോക്ക് ടൈലുകൾ പാകുകയാണ് ചെയ്തിരിക്കുന്നത്. റോ​ഡ് ന​വീ​ക​ര​ണ​ത്തി​ന്റെ നി​ർമ്മാ​ണ ചു​മ​ത​ല​ക്കാ​രു​ടെ അ​ശാ​സ്ത്രീ​യ ന​ട​പ​ടി​ക​ളാ​ണ് യാ​ത്ര​ക്കാ​രെ ദു​രി​ത​ത്തി​ലാ​ക്കു​ന്നത്.

പ്രവർത്തനങ്ങൾ നീളുന്നു

റോഡ് പലസ്ഥലത്തും വെ​ട്ടി​മു​റിച്ചുള്ള നിർമ്മാണ പ്രവർത്തനം മാസങ്ങളോളം നീളുന്നതാണ്. പൈ​പ്പ് ലൈ​നു​ക​ളും വൈ​ദ്യു​തി കേ​ബി​ളു​ക​ളും സ്ഥാ​പി​ക്കു​ന്ന​തി​ന്റെ ഭാ​ഗ​മാ​യി റോ​ഡു​കൾ മു​റി​ച്ചു​ണ്ടാ​ക്കി​യ

ക​ൺവെ​ർട്ടു​ക​ൾ പണിഞ്ഞുകൊണ്ടിരിക്കുന്ന സ്ഥലങ്ങളും യാ​ത്രി​കർക്ക് ഭീ​ഷ​ണി​യാ​ണ്. റോ​ഡി​ന്റെ പുനർ നിർമ്മാണത്തിന് സ്ഥ​ല​മെ​ടു​പ്പ് തു​ട​ങ്ങി​യ​തു​ മു​ത​ൽ ആരംഭിച്ചതാണ് ഈ ദു​രി​തം. വീ​തി​കൂ​ട്ട​ലി​ന്റെ ഭാ​ഗ​മാ​യി പാ​ർശ്വ​ങ്ങ​ളിൽനി​ന്ന്​ ഇ​ടി​ച്ച മ​ണ്ണ് യ​ഥാ​സ​മ​യം നീ​ക്കാ​തെ കു​ന്നു​കൂട്ടിയിട്ടിരുന്നതിനാൽ പ്രദേശം മുഴുവൻ ചെളി​ക്കെ​ട്ടാണ്.

കാരക്കോണം-അമരവിള റോഡ്

നിരവധി വിദ്യാഭ്യാസ സ്ഥാപനങ്ങൾ ഉൾപ്പെടുന്ന ഒരു പ്രദേശമാണ് ധനുവച്ചപുരം. ഇവിടെയുള്ള നിരവധി സ്കൂളുകളിലേക്കും ഐ.ടി.ഐ യിലേക്കും കോളേജുകളിലേക്കും റെയിൽവേ സ്റ്റേഷനിലേക്കും പോകുന്ന വിദ്യാർത്ഥികൾ, കാൽനട യാത്രക്കാർ,ഇരുചക്ര വാഹന യാത്രികർ, മലയോരഗ്രാമ പ്രദേശങ്ങളിലുള്ളവർ എന്നിവർക്കെല്ലാം പ്രധാന ആശ്രയമാണ് കാരക്കോണം-അമരവിള റോഡ്.