വിമല കോളേജ് ഡയമണ്ട് ജൂബിലി ആഘോഷം

തൃശൂർ: വിമല കോളേജ് പി.ജി. കൊമേഴ്‌സ് ആൻഡ് റിസർച്ച് വിഭാഗത്തിന്റെ ആഭിമുഖ്യത്തിൽ എ.ഐ ടൂൾസ് ഫൊർ ബിസിനസ് ആൻഡ് മാർക്കറ്റിംഗ് എന്ന വിഷയത്തിൽ സംഘടിപ്പിച്ച സെമിനാർ പ്രിൻസിപ്പൽ പ്രൊഫ. സി. ബീന ജോസ് ഉദ്ഘാടനം ചെയ്തു. കോളേജിന്റെ ഡയമണ്ട് ജൂബിലി ആഘോഷങ്ങളുടെ ഭാഗമായാണ് സംഘടിപ്പിച്ചത്. അമേരിക്കയിലെ യൂണിവേഴ്‌സിറ്റി ഒഫ് പ്യൂർട്ടോ റിക്കോയിലെ പ്രൊഫസർ ഡോ. ജസ്റ്റിൻ പോൾ മുഖ്യപ്രഭാഷണം നടത്തി. അസി. പ്രൊഫ. വി.ജി. ജിൻസ് സ്വാഗതവും അസി. പ്രൊഫ. ഡോ. കെ. ശാലിനി നന്ദിയും പറഞ്ഞു. ചടങ്ങിൽ വിദ്യാർത്ഥികളും അദ്ധ്യാപകരും ഗവേഷകരും പങ്കെടുത്തു.