'ശമ്പള പരിഷ്‌കരണം ഉടൻ നടപ്പിലാക്കണം'

തൃശൂർ: കോർപ്പറേഷനിലെ ഇലക്ട്രിസിറ്റി തൊഴിലാളികളുടെ ശമ്പള പരിഷ്‌കരണം അടിയന്തരമായി നടപ്പിലാക്കണമെന്ന് ഐ.എൻ.ടി.യു.സി ജില്ലാ പ്രസിഡന്റ് സുന്ദരൻ കുന്നത്തുള്ളി. കോർപ്പറേഷൻ ഇലക്ട്രിസിറ്റി എംപ്ലോയീസ് യൂണിയൻ (ഐ.എൻ.ടി.യു.സി) പ്രവർത്തക കൺവെൻഷൻ ഉദ്ഘാടനം ചെയ്യുകയായിരുന്നു അദ്ദേഹം. 2018ന് ശേഷം തൊഴിലാളികളുടെ ശമ്പള പരിഷ്‌കരണം നടപ്പിലാക്കിയിട്ടില്ലെന്നും ഇത് അടിയന്തരമായി പരിഹരിക്കണമെന്നും അദ്ദേഹം ചൂണ്ടിക്കാട്ടി. ചടങ്ങിൽ കോർപ്പറേഷൻ കൗൺസിലർ ബൈജു വർഗീസ് അദ്ധ്യക്ഷനായി. ഐ.എൻ.ടി.യു.സി ജില്ലാ ജനറൽ സെക്രട്ടറി വി.എ. ഷംസുദ്ദീൻ, ടി. രജീഷ്, കെ. രാജേഷ്, കെ. ഉണ്ണിക്കൃഷ്ണൻ തുടങ്ങിയവർ സംസാരിച്ചു.