കലോത്സവത്തിനൊരുങ്ങി മാള ഹോളിഗ്രേസ് ക്യാമ്പസ്

മാള : ഹോളി ഗ്രേസ് അക്കാഡമിയിൽ 12 മുതൽ 15 വരെ നടക്കുന്ന സഹോദയ സംസ്ഥാന കലോത്സവത്തിന്റെ ഭാഗമായി വിജയകിരീടവും മത്സര ട്രോഫികളും വഹിച്ചുകൊണ്ടുള്ള 'നഗരികാണിക്കൽ' വിളംബര ഘോഷയാത്ര സംഘടിപ്പിച്ചു. രണ്ടാം തവണയാണ് ഹോളി ഗ്രേസ് അക്കാഡമി സംസ്ഥാന സഹോദയ കലോത്സവത്തിന് വേദിയാകുന്നത്. ക്യാമ്പസിൽ നിന്ന് ആരംഭിച്ച ഘോഷയാത്ര കൊടുങ്ങല്ലൂർ, മാള, അന്നമനട എന്നീ പ്രധാന കേന്ദ്രങ്ങളിലൂടെ കടന്നുപോയി. സംസ്ഥാനത്തെ 1400ഓളം സ്‌കൂളുകളിൽ നിന്നായി പതിനായിരത്തിലധികം വിദ്യാർത്ഥികൾ മാറ്റുരയ്ക്കും. കലോത്സവത്തിനായി അവസാനഘട്ട ഒരുക്കത്തിലാണ് ഹോളി ഗ്രേസ് അക്കാഡമി.